Kokilaben Ambani Hospitalised : કોકિલાબેન અંબાણીની તબિયત લથડી, રિલાયન્સ હોસ્પિટલ ખસેડાયા
Kokilaben Ambani Hospitalised : રિલાયન્સ ઇન્ડસ્ટ્રીઝના ચેરમેન મુકેશ અંબાણી અને રિલાયન્સ એડીએ ગ્રુપના ચેરમેન અનિલ અંબાણીના માતા કોકિલાબેન અંબાણીની તબિયત લથડી છે.
ગુરુવારે રાત્રે અચાનક બગડતા તેમને તાત્કાલિક એચએન રિલાયન્સ ફાઉન્ડેશન હોસ્પિટલમાં દાખલ કરવામાં આવ્યા હતા. તેમને એરલિફ્ટ કરીને હોસ્પિટલ લાવવામાં આવ્યા, જ્યાં વરિષ્ઠ ડૉક્ટરોની દેખરેખ હેઠળ તેમની સારવાર ચાલી રહી છે.
હાલ અંબાણી પરિવાર તરફથી તેમના સ્વાસ્થ્ય વિશે કોઈ સત્તાવાર નિવેદન બહાર પાડવામાં આવ્યું નથી. જો કે, હોસ્પિટલના સૂત્રોના જણાવ્યા મુજબ, કોકિલાબેન અંબાણીની હાલત સ્થિર છે અને મેડિકલ ટીમ સતત તેમના સ્વાસ્થ્ય પર નજર રાખી રહી છે.
પરિવારના નજીકના સૂત્રોએ જણાવ્યું કે, કોકિલાબેનને અચાનક નબળાઈ અને શારીરિક અસંતુલન જેવું લાગતા તાત્કાલિક હોસ્પિટલ ખસેડવામાં આવ્યા હતા. ડૉક્ટરોએ તેમને જરૂરી તપાસ માટે દેખરેખ હેઠળ રાખ્યા છે.
અનિલ અંબાણી અને ટીના અંબાણી એરપોર્ટ પર જોવા મળ્યા હતા, જ્યારે મુકેશ અંબાણી પણ હોસ્પિટલ પાસે હાજર રહ્યા હતા. પરિવારના તમામ સભ્યો મુંબઈ પરત ફર્યા છે અને માતાની સંભાળમાં જોડાયા છે.
મુંબઈ સહિત સમગ્ર દેશમાંથી અંબાણી પરિવારના શુભચિંતકો અને મિત્રો કોકિલાબેન અંબાણીના ઝડપી સ્વાસ્થ્ય માટે પ્રાર્થના કરી રહ્યા છે. આ સમયે પરિવારની એકમાત્ર પ્રાથમિકતા તેમના સ્વાસ્થ્યને સામાન્ય બનાવવાની છે.
Click it and Unblock the Notifications
Sign in with Google
