લાલુએ બોલવાનું ચાલું કર્યું ને સંસદમાં હાસ્ય પ્રસરાઇ ગયું!
લાલુ પણ પ્રશ્ન કરવા માટે ઉભા થયા અને કહ્યું કે વિમાનના પાયલોટો અને 'એર હોસ્ટેઝ'ને સમયસર પગાર મળતો નથી. બસ લાલુ આટલું બોલ્યાં ત્યાંજ સંસદમા હાજર તમામ સભ્યો ખડખડાટ હસી પડ્યા હતા. તેમની પાછળની બેઠક પર બેસેલા રાષ્ટ્રવાદી કોંગ્રેસ પાર્ટના સુપ્રિયા સુલેએ તેમની ભુલ સુધારવાનો પ્રયાસ કર્યો અને કહ્યું કે, 'એર હોસ્ટેસ' પરંતુ તેમ છતાં લાલુએ તેમની વાત સાંભળી નહીં અને તેમણે અનેકવાર 'એર હોસ્ટેઝ, એર હોસ્ટેઝ' કહ્યું હતું.
અત્રે ઉલ્લેખનીય છે કે એર હોસ્ટેઝનો અર્થ વિમાનના યાત્રીઓને અપહરણકર્તા દ્વારા બંધક બનાવાયા એવો થાય છે.
નોંધનીય છે કે, સંસદમાં હાલ એફડીઆઇ અંગે ગંભીર ચર્ચા થઇ રહી છે અને સાંજના સમયે સંસદમાં તમામ પક્ષો દ્વારા પોતોની દલીલ રજૂ કરાયા બાદ વોટિંગ કરવામાં આવશે, ત્યાર બાદ રિટેલમાં એફડીઆઇ લાગુ કરવું કે નહીં તે અંગે નિર્ણય કરવામાં આવશે, મોટા ભાગે બધાની નજર માયાવતી અને મુલાયમસિંહ યાદવ પર છે.
Click it and Unblock the Notifications
Sign in with Google
