પીએમ મોદીને સંસદમાં મળવા આવ્યો તેમનો નાનકળો મિત્ર, ફોટો શેર કર્યો

નવી દિલ્હીઃ પીએમ મોદીએ મંગળવારે પોતાના ઈન્સ્ટાગ્રામ અકાઉન્ટ પર એક નાના બાળક સાથેની તસવીર શેર કરી. આ તસવીરમાં પીએમ મોદીના ખોળામાં રમી રહેલ બાળક મેજ પર રાખેલ ચોકલેટ અને અન્ય વસ્તુઓ ઉઠાવવાની કોશિશ કરી રહ્યું છે. બીજી તસવીરમાં મોદી પોતાના નાનકળા દોસ્તને હવામાં ઉછાળી રમાડી રહ્યા છે. તસવીરને શેર કરી મોદીએ લખ્યું કે આ બહુ ખાસ મિત્ર છે આજે સંસદમાં મળવા આવ્યો.

તસવીર વાયરલ થઈ

આ બાળકની પીએમ સાથેની તસવીર ગણતરીની કલાકોમાં જ વાયરલ થઈ ગઈ. આ તસવીરોને સોશિયલ મીડિયા પર યૂઝર્સ ખુબ પસંદ કરી રહ્યા છે. આ નાનું બાળક જેવી રીતે પીએમ મોદીના ખોળામાં મસ્તી કરી રહ્યું છે, તે પણ લોકોને બહુ પસંદ આવી રહ્યું છે. લોકો બાળકને ખુબ દુવાઓ આપી રહ્યા છે.

કોણ છે આ બાળક

સોશિયલ મીડિયા પર યૂઝર્સે જ્યાં બાળકની પીએમ મોદી સાથેની મસ્તીને પસંદ કરી રહ્યા છે ત્યાં જ લગાતાર સવાલ કરી રહ્યા છે કે આ બાળક કોણ છે? કેટલાક લોકો આ બાળકને એક સાંસદનો ભાણેજ ગણાવી રહ્યા છે, તો કેટલાક લોકો કહી રહ્યા છે કે એક ગુજરાતી વિજિટર ફેમિલી સંસદ આવી હતી, તેમનું જ આ બાળક છે.

મોદીએ દોસ્ત વિશે જાણકારી ન આપી

પીએમ મોદીએ બાળક સાથે રમતા હોય તેવી બે તસવીરો તો શેર કરી છે. પરંતુ આ બાળક કોણ છે તેની જાણકારી શેર ન કરી. જો કે આ મસ્તીખોર બાળકને લઈ સોશિયલ મીડિયા પર લોકો કેટલાય પ્રકારની અટકળો જરૂર લગાવી રહ્યા છે.

English summary

little friend of pm modi visited him in parliament, pm shared pic