Lok Sabha Election Results 2024: UP થી બંગાળ સુધી, ટ્રેન્ડ પ્રમાણે ઘણા રાજ્યોમાં ભાજપને ફટકો

Lok Sabha Election Results 2024: લોકસભા ચૂંટણી 2024ની મતગણતરી શરૂ થઈ ગઈ છે. ભાજપના નેતૃત્વ હેઠળના એનડીએ અને કોંગ્રેસની આગેવાની હેઠળનું INDIA ગઠબંધન બંને જીતનો દાવો કરી રહ્યા છે. જોકે, ચૂંટણીના વલણો કે મત ગણતરીના આંકડા ભાજપને આશ્ચર્યચકિત કરી રહ્યા છે.

ઉત્તર પ્રદેશ અને બંગાળ સહિત એવા ઘણા રાજ્યો છે, જ્યાં ભાજપને અપેક્ષા કરતા ઘણી ઓછી બેઠકો મળી રહી છે, અને વિપક્ષ તેમને જોરદાર ટક્કર આપી રહ્યો છે. આ અહેવાલમાં જાણીશું ક્યા રાજ્યોમાં ભાજપને સૌથી મોટો ઝટકો લાગ્યો છે.

ઉત્તર પ્રદેશમાં સપા-કોંગ્રેસની બોલબાલા - સીટોની દ્રષ્ટિએ ઉત્તર પ્રદેશ ભાજપ માટે સૌથી સુરક્ષિત રાજ્ય માનવામાં આવતું હતું. જોકે, તે આ રાજ્યમાં છે કે, તેને સૌથી મોટી સ્પર્ધાનો સામનો કરવો પડ્યો છે.

જો આપણે મત ગણતરીના તાજેતરના આંકડાઓ પર નજર કરીએ તો ઉત્તર પ્રદેશની 80 બેઠકોમાંથી ભાજપ 36 બેઠકો પર, સપા 36 પર, કોંગ્રેસ 7 પર અને RLD 2 પર આગળ છે.

પશ્ચિમ બંગાળમાં મોટો ઝાટકો - છેલ્લી લોકસભા ચૂંટણી 2019માં, ભાજપે પશ્ચિમ બંગાળમાં 18 બેઠકો જીતી હતી. ભાજપને આશા હતી કે, આ ચૂંટણીમાં પાર્ટીને 25થી વધુ બેઠકો મળશે. જોકે, તૃણમૂલ કોંગ્રેસે અહીં ભાજપને મોટો ઝટકો આપ્યો છે. તાજેતરના આંકડાઓ અનુસાર, રાજ્યમાં તૃણમૂલ કોંગ્રેસ 31 બેઠકો પર, ભાજપ 10 અને કોંગ્રેસ 1 બેઠક પર આગળ છે.

કોંગ્રેસે હરિયાણામાં આપી ટક્કર - હરિયાણામાં ભારતીય જનતા પાર્ટીની સરકાર છે. છેલ્લી 2019ની લોકસભા ચૂંટણીમાં ભાજપે રાજ્યની તમામ 10 બેઠકો જીતી હતી. જોકે, આ ચૂંટણીમાં કોંગ્રેસે ભાજપને જોરદાર ટક્કર આપી છે. રાજ્યમાં મત ગણતરીના તાજેતરના આંકડાની વાત કરીએ તો, કોંગ્રેસ 5 બેઠકો પર, ભાજપ 5 પર આગળ છે. તો આમ આદમી પાર્ટીના સુપડા સાફ થાય તેવી શક્યતા છે.

English summary

Lok Sabha Election Results 2024: From UP to Bengal, the trend shows a blow to BJP in many states