Lok Sabha elections 2024: ઈન્ડિયા ગઠબંધનના પીએમ ઉમેદવાર કોણ? રાહુલ ગાંધીએ પહેલી વાર આ સવાલ પર તોડ્યુ મૌન
Lok Sabha elections 2024: કોંગ્રેસના પૂર્વ અધ્યક્ષ રાહુલ ગાંધીએ કહ્યું છે કે ઈન્ડિયા ગઠબંધનના પીએમ ચહેરા અંગેનો નિર્ણય લોકસભા ચૂંટણી પછી લેવામાં આવશે. પાર્ટીનો ઢંઢેરો જાહેર કર્યા બાદ તેમણે શુક્રવારે કહ્યું કે આ દેશ, લોકશાહી અને બંધારણને બચાવવા માટેની ચૂંટણી છે અને ચૂંટણીમાં જીત બાદ વિપક્ષી ગઠબંધન 'ઈન્ડિયા'ના ઘટક પક્ષો સાથે મળીને નક્કી કરશે કે વિપક્ષી ગઠબંધનમાંથી કોણ વડાપ્રધાન બનશે.
રાહુલ ગાંધીએ એમ પણ કહ્યું કે આ ચૂંટણી બંધારણ અને લોકશાહીને નષ્ટ કરવાનો પ્રયાસ કરનારા અને બંધારણ અને લોકશાહીની રક્ષા કરવાનો પ્રયાસ કરનારાઓ વચ્ચે છે. તેમણે કહ્યું કે બંધારણ અને લોકશાહી પર આટલો ખતરો પહેલા ક્યારેય નહોતો.
રાહુલ ગાંધીએ કહ્યું, "એક તરફ વડાપ્રધાન નરેન્દ્ર મોદી બંધારણ અને લોકશાહી પર હુમલો કરી રહ્યા છે, સંસ્થાઓ પર કબજો કરી રહ્યા છે. બીજી બાજુ ઈન્ડિયા ગઠબંધન છે જે લોકશાહી અને બંધારણની રક્ષા માટે છે. આ દેશ, બંધારણ અને લોકશાહીને બચાવવાની ચૂંટણી છે.''
તેમણે કહ્યું કે, ''નરેન્દ્ર મોદીએ ED-CBI જેવી તમામ સંસ્થાઓ પર કબજો કરીને નાણાકીય ઈજારો ઉભો કર્યો છે. પરંતુ હવે ઈલેક્ટોરલ બૉન્ડની તમામ માહિતી બહાર આવી છે.'' રાહુલે કહ્યું કે, ''કોની પાસેથી ઉઘરાણી કરવામાં આવી, કોને કૉન્ટ્રાક્ટ આપવામાં આવ્યો, કૉન્ટ્રાક્ટ પછી કેટલા પૈસા આપવામાં આવ્યા. તેની સંપૂર્ણ બ્લુ પ્રિન્ટ આવી ગઈ છે, તેથી નરેન્દ્ર મોદી ડરી ગયા છે અને આંકડો 400ને પાર કરી ગયો છે. કારણ કે તેઓ જાણે છે કે 180ને પાર નહીં થાય.''
કોંગ્રેસના મેનિફેસ્ટોના મહત્વના મુદ્દા
- રાષ્ટ્રવ્યાપી સામાજિક-આર્થિક જાતિ વસ્તીગણતરીસમગ્ર દેશ
- માં રૂ. 25 લાખનો આરોગ્ય વીમો
- 10% EWS આરક્ષણ તમામ જાતિ સમુદાયો માટે લાગુ
- આરક્ષણ પરની 50% મર્યાદા દૂર કરવામાં આવશે
- અગ્નિપથ યોજના નાબૂદ કરવામાં આવશે
- પુડુચેરીને પૂર્ણ રાજ્યનો દરજ્જો
- જમ્મુ અને કાશ્મીરને રાજ્યનો દરજ્જો તાત્કાલિક ધોરણે પુનઃસ્થાપિત કરવામાં આવશે
- લઘુત્તમ ટેકાના ભાવની કાનૂની ગેરંટી
- મહિલાઓ માટે કેન્દ્ર સરકારની 50% નોકરીઓ આરક્ષિત મનરેગા હેઠળ વેતન વધારીને 400 રૂપિયા પ્રતિ દિવસ
- ધોરણ 9થી ધોરણ 12ના વિદ્યાર્થીઓને ફોન
- 400 રૂપિયા પ્રતિ દિવસના લઘુત્તમ રાષ્ટ્રીય વેતનની ગેરેન્ટી
- વરિષ્ઠ નાગરિકો, વિધવાઓ અને વિકલાંગો માટે પેન્શનમાં વધારો
- કમિશન ફોર એગ્રીકલ્ચરલ કોસ્ટ્સ એન્ડ પ્રાઈસ (CACP)ને વૈધાનિક સંસ્થા બનાવવામાં આવશે.
Click it and Unblock the Notifications
Sign in with Google
