મહારાષ્ટ્ર CM એકનાથના દીકરા શ્રીકાંત શિંદે કલ્યાણથી લડશે લોકસભા ચૂંટણી, ફડણવીસે કર્યુ એલાન
Lok Sabha elections 2024: મહારાષ્ટ્રના મુખ્યમંત્રી એકનાથ શિંદેના પુત્ર શ્રીકાંત શિંદે કલ્યાણ બેઠક પરથી ચૂંટણી લડશે. આ માહિતી નાયબ મુખ્યમંત્રી દેવેન્દ્ર ફડણવીસે આપી હતી. તેમણે કહ્યું કે મહારાષ્ટ્રના મુખ્ય પ્રધાન શિંદેના પુત્ર અને બે વખતના સાંસદ ડૉ. શ્રીકાંત શિંદે આગામી લોકસભા ચૂંટણીમાં કલ્યાણ બેઠક પરથી ચૂંટણી લડશે.
નાયબ મુખ્યમંત્રી દેવેન્દ્ર ફડણવીસે નાગપુરમાં મીડિયા સાથે વાત કરતા કહ્યું કે ડૉ. શ્રીકાંત શિંદે કલ્યાણથી મહાયુતિના ઉમેદવાર હશે.
ફડણવીસે આ જાહેરાત એવા સમયે કરી છે જ્યારે મહાયુતિ ગઠબંધનમાં ભાજપ, એકનાથ શિંદેની આગેવાની હેઠળની શિવસેના અને ડેપ્યુટી સીએમ અજિત પવારની આગેવાની હેઠળની એનસીપી વચ્ચે બેઠકોની વહેંચણીને લઈને મતભેદો ચાલી રહ્યા છે.
તમને જણાવી દઈએ કે મુખ્યમંત્રી એકનાથ શિંદેના સાંસદ પુત્ર ડૉ. શ્રીકાંત શિંદેનો મુકાબલો ઉદ્ધવ ઠાકરેના નેતૃત્વવાળી શિવસેના (UBT)ના વૈશાલી દરેકર-રાણે સાથે થશે. તે કલ્યાણ ડોમ્બિવલી મ્યુનિસિપલ કોર્પોરેશન સાથે સંકળાયેલી છે, ભૂતકાળમાં તે રાજ ઠાકરેની આગેવાની હેઠળના MNS સાથે થોડા સમય માટે સંકળાયેલી હતી.
Click it and Unblock the Notifications
Sign in with Google
