વડીયામાં લવ જેહાદ: વિધર્મી યુવકે યુવતિનુ કર્યુ અપહરણ, પોલીસ ફરીયાદ

અમરેલી જિલ્લાના વડીયા સિટીમાં ત્રણ દિવસ પહેલા એક વિધર્મી યુવકે યુવતીને અપહરણ કરી ભગાડી જવાની ઘટના બનવા પામી છે. પિતાએ કરગરી કહ્યું છે કે મને દીકરી પાછી મળે પોલીસમાં અરજી પણ કરી છે. ત્યારે પોલીસે આરોપીને પકડવાની તજવીજ હાથ ધરી છે. વડીયા શહેરની અંદર રહેતા વ્યક્તિની દીકરીને 17 તારીખના રોજ બપોરના સમયે એક વિધર્મી યુવકે તેમના પિતા અને તેમના ભાઈ સહિત યુવતીને ઘરે આવી અપહરણ કરી લઈ ગયા છે.

યુવતીના પિતાએ પોલીસને અરજીમાં આ બાબત દર્શાવી છે. યુવતિના પિતા કરગરીને કહી રહ્યા છે કે મને મારી દીકરી પાછી અપાવો. વિધર્મી યુવક દ્વારા અપહરણની ઘટનાને લઈને વડીયા શહેરમાં ઘેરા પડઘા પડ્યા છે.

આ બાબતે કુકાવાવ વડિયા તાલુકા વિશ્વ હિન્દુ પરિષદના પ્રમુખ અને વડીયાના સરપંચે જણાવ્યું કે આવતીકાલે વિશ્વ હિન્દુ પરિષદ અને બજરંગ દળના તમામ સદસ્યો તેમજ વડીયાના સર્વ સમાજના લોકો વડીયા મામલતદારને આવેદનપત્ર આપવા જનાર છે. ત્યારે આ ઘટનાને લઈને સમગ્ર પંથકમાં ટોક ઓફ ધ ટાઉન બન્યું છે અને કંઈક નવાજૂની થાય કે કેમ તેની પણ આશંકાઓ સેવાઈ રહી છે.

વિધર્મી યુવક દ્વારા કરાયેલ અપહરણની ઘટનાને ત્રણ દિવસ જેવો સમય થઈ ગયો છે. તેમાં પોલીસ હજુ આરોપી સુધી પહોંચી નથી ત્યારે અમે અમરેલી ડિવિઝનના ડીવાયએસપી પાસે આ ઘટનાનો જવાબ માગ્યો ત્યારે તેમણે એવી વાત જણાવી કે આ યુવતી અને વિધર્મી યુવક બંને વચ્ચે સંબંધો હતા અને યુવતી પોતાની સંમતિથી યુવક સાથે નાસી ગઈ છે. એટલે કોઈ ખોટુ પેનિક ન ફેલાવે તેની અપીલ કરી રહી છે અને યુવતીના પિતાની અરજીને આધારે પોલીસ આ બંનેની તપાસ કરી રહી છે.

English summary

Love Jihad in the Vadiya: The heretical youth kidnapped the girl