Madhya Pradesh Election : મધ્ય પ્રદેશ ફતેહ કરવા કોંગ્રેસનો મેગા પ્રચાર પ્લાન

મધ્ય પ્રદેશમાં શિવરાજ સિંહને ખુરશી પરથી ઉતારવા માટે કોંગ્રેસ એક્શન પ્લાનમાં જોવા મળી રહી છે. હવે કોગ્રેસ તેના તમામ દિગ્ગજ નેતાઓને મેદાનમાં ઉતારવા જઈ રહી છે.

મધ્ય પ્રદેશ વિધાનસભા ચૂંટણીમાં કોંગ્રેસ હવે એક્શન મોડમાં જોવા મળશે. કોંગ્રેસના તમામ વરિષ્ઠ નેતાઓ મધ્યપ્રદેશની મુલાકાત લેશે. આ નેતાઓમાં કોંગ્રેસ અધ્યક્ષ મલ્લિકાર્જુન ખડગે, મહાસચિવ પ્રિયંકા ગાંધી અને પૂર્વ અધ્યક્ષ રાહુલ ગાંધી સામેલ છે.

કોંગ્રેસના દિગ્ગજ નેતાઓ રાજ્યના વિવિધ ભાગોમાં પહોંચશે અને ચૂંટણી સભાઓ અને રેલીઓને સંબોધશે. હવે કોંગ્રેસના વરિષ્ઠ નેતાઓની મુલાકાતને જોતા કાર્યકરોએ તૈયારીઓ શરૂ કરી દીધી છે.

કોંગ્રેસના પ્લાન અનુસાર, 4 નવેમ્બરે કોંગ્રેસ અધ્યક્ષ મલ્લિકાર્જુન ખડગે કટાંગી અને શાહપુરામાં રેલી કરશે. આ પછી 5 નવેમ્બરે મહાસચિવ પ્રિયંકા ગાંધી કુક્ષી અને ઈન્દોર-5, 7 નવેમ્બરે કોંગ્રેસ અધ્યક્ષ મલ્લિકાર્જુન ખડગે ઉજ્જૈન અને ગ્વાલિયર પૂર્વ, 8 નવેમ્બરે મહાસચિવ પ્રિયંકા ગાંધી સાંવર અને ખાટેગાંવમાં રેલી કરશે.

આ પછી 9 નવેમ્બરે મહામંત્રી પ્રિયંકા ગાંધી રીવામાં, 9મી નવેમ્બરે કોંગ્રેસના પૂર્વ અધ્યક્ષ રાહુલ ગાંધી નવી સરાઈ, અશોક નગર ચંદેરી, જબલપુર પૂર્વ, જબલપુર પશ્ચિમમાં પદયાત્રા કરશે.

આ પછી રાહુલ ગાંધી 10 નવેમ્બરે સતના, 13મી નવેમ્બરે ભોપાલના તિમર્ની, ઉદયપુર અને ઈકબાલ નગરમાં પદયાત્રા કરશે. 14મી નવેમ્બરે રાહુલ ગાંધી વિદિશા, રાજનગર, ખજુરાહોમાં સભાને સંબોધશે. 15 નવેમ્બરે મહામંત્રી પ્રિયંકા ગાંધી દતિયા અને 15 નવેમ્બરે મલ્લિકાર્જુન ખડગે અમલામાં સભાને સંબોધશે.઼

English summary

Madhya Pradesh Election: Mega campaign plan of Congress to conquer Madhya Pradesh