મહારાષ્ટ્ર: મુંબઇની વરલીમાં મકાનની લિફ્ટ ધરાશાયી થતાં 4 ના મોત
મહારાષ્ટ્રની રાજધાની મુંબઇમાં એક બાંધકામ હેઠળની બિલ્ડિંગમાં લિફ્ટ પડી જતા અકસ્માતમાં ચાર લોકોનું કરૂણ મોત નીપજ્યું છે. બૃહમ્મુબાઈ મ્યુનિસિપલ કોર્પોરેશન (બીએમસી) દ્વારા કહેવામાં આવ્યું છેકે વરલીમાં નિર્માણાધીન બહુમાળી બિલ
મહારાષ્ટ્રની રાજધાની મુંબઇમાં એક બાંધકામ હેઠળની બિલ્ડિંગમાં લિફ્ટ પડી જતા અકસ્માતમાં ચાર લોકોનું કરૂણ મોત નીપજ્યું છે. બૃહમ્મુબાઈ મ્યુનિસિપલ કોર્પોરેશન (બીએમસી) દ્વારા કહેવામાં આવ્યું છેકે વરલીમાં નિર્માણાધીન બહુમાળી બિલ્ડિંગની લિફ્ટ શનિવારે તૂટી પડી હતી. જેના કારણે ચાર લોકોનાં મોત નીપજ્યાં હતાં અને અન્ય ગંભીર રીતે ઘાયલ થયાં હતાં. ઇજાગ્રસ્તને હોસ્પિટલમાં દાખલ કરવામાં આવ્યો છે, જ્યાં તેની સારવાર કરવામાં આવી રહી છે. લિફ્ટ તૂટી જવા પાછળનું કારણ હજી જાણી શકાયું નથી. આ સંદર્ભે તપાસ માટે આદેશ આપ્યા છે.
વરસાદને કારણે પણ મુંબઈમાં અકસ્માતો
છેલ્લા એક અઠવાડિયામાં મુંબઇ અને મહારાષ્ટ્રના અન્ય શહેરોમાંથી સતત અકસ્માત થયાના સમાચાર મળી રહ્યા છે. મહારાષ્ટ્ર, મુંબઇ અને આજુબાજુના જિલ્લાઓમાં અવિરત વરસાદને કારણે પૂરની પરિસ્થિતિનો સામનો કરવો પડી રહ્યો છે. આને કારણે, દિવાલો તૂટી પડવાથી અને માટી લપસી જવાને કારણે ઓછામાં ઓછા 150 લોકોનાં મોત નીપજ્યાં છે. અનેક જગ્યાએ હેલિકોપ્ટરની મદદથી લોકોને બહાર કાઢવામાં આવી રહ્યા છે.