Maharashtra election 2024 : મહારાષ્ટ્રમાં મહાયુતિ વચ્ચે ડખ્ખાના એંઘાણ? અજીત પવારે 80 સીટો માંગી
Maharashtra Assembly Election 2024 : મહારાષ્ટ્રમાં દિવસે દિવસે નબળી પડી રહેલી બીજેપી માટે અજીત પવાર માથાનો દુખાવો બની શકે છે.
મહારાષ્ટ્રમાં ચૂંટણીની જાહેરાત પહેલા જ અહેવાલો આવી રહ્યાં છે કે અજીત પવારે 80 સીટોની માંગણી કરી છે. અજીત પવારની આ માંગણી બીજેપી માટે મોટી સમસ્યા બની શકે છે.
હાલમાં જ દેવેન્દ્ર ફડણવીસે કહ્યું કે શાસક મહાયુતિના સહયોગીઓ વચ્ચે સીટની વહેંચણી ટૂંક સમયમાં નક્કી કરવામાં આવશે. ભારતીય જનતા પાર્ટીના મહારાષ્ટ્ર એકમના અધ્યક્ષ ચંદ્રશેખર બાવનકુલેએ પણ કહ્યું કે લગભગ 70-80 ટકા એટલે કે લગભગ 288 વિધાનસભા મતવિસ્તારોમાં સીટોની વહેંચણી પર શાસક ગઠબંધનની ફોર્મ્યુલા નક્કી કરવામાં આવી છે.
ચંદ્રશેખર બાવનકુલેએ કહ્યું કે, મહાયુતિની સમજૂતી વિપક્ષ મહા વિકાસ આઘાડી પહેલા થઈ જશે. જણાવી દઈએ કે મહાયુતિ મહાગઠબંધનમાં ભાજપ, શિવસેના અને રાષ્ટ્રવાદી કોંગ્રેસ પાર્ટી (NCP) સામેલ છે.
મહાગઠબંધનના ભાગીદારો વચ્ચે બેઠકોની વહેંચણી અને તેની ઔપચારિક જાહેરાત વિશે પૂછવામાં આવ્યું ત્યારે દેવેન્દ્ર ફડણવીસે પુણેમાં મીડિયાને કહ્યું કે, સીટ વહેંચણીની ફોર્મ્યુલા ટૂંક સમયમાં નક્કી કરવામાં આવશે.
દેવેન્દ્ર ફડણવીસે આ અંગે વધુ માહિતી આપી નથી. ચંદ્રશેખર બાવનકુલેએ દાવો કર્યો હતો કે MVA ઘટક કોંગ્રેસ, શિવસેના (UBT) અને NCP (શરદચંદ્ર પવાર) જાહેરાત થાય તે પહેલાં જ મહાયુતિની બેઠક વહેંચણીની ફોર્મ્યુલા જોશે.
બાવનકુલેએ જણાવ્યું હતું કે મુખ્ય પ્રધાનો એકનાથ શિંદે (શિવસેના), દેવેન્દ્ર ફડણવીસ (ભાજપ) અને પ્રફુલ પટેલ (એનસીપી) વચ્ચેની તાજેતરની બેઠકનું પરિણામ એ હતું કે સૌથી મહત્ત્વનો માપદંડ ઉમેદવારની જીતની સંભાવના છે.
આ દરમિયાન શિંદેની આગેવાની હેઠળની શિવસેના સાથે સંકળાયેલા ઉદ્યોગ પ્રધાન ઉદય સામંતે કહ્યું કે ગઠબંધનના ત્રણ નેતાઓ મહારાષ્ટ્રની રાજકીય પરિસ્થિતિથી સારી રીતે વાકેફ છે. કેટલાક ઉમેદવારોની જાહેરાત મોડેથી કરવાની ભૂલ આ વખતે પુનરાવર્તિત નહીં થાય.
ઉદય સામંતે કહ્યું કે અમે 75 ટકાથી વધુ મતવિસ્તારો માટે સીટ શેરિંગ ફોર્મ્યુલાને અંતિમ સ્વરૂપ આપી દીધું છે. જો કે, કેબિનેટ મંત્રી અને NCPના વરિષ્ઠ નેતા છગન ભુજબળે કહ્યું કે મને ત્રણેય પક્ષો વચ્ચે સીટ વહેંચણીની ફોર્મ્યુલાની જાણ નથી, પરંતુ અમે (NCP) ચૂંટણી લડવા માટે લગભગ 80 બેઠકોની માંગણી કરી છે.
જણાવી દઈએ કે વર્તમાન વિધાનસભામાં ભાજપ 103 ધારાસભ્યો સાથે સૌથી મોટી પાર્ટી છે, ત્યારબાદ શિવસેના 40, NCP 41, કોંગ્રેસ 40, શિવસેના (UBT) 15, NCP (શરદચંદ્ર પવાર) 13 અને અન્ય 29 છે. કેટલીક બેઠકો ખાલી છે. મહારાષ્ટ્ર વિધાનસભાની ચૂંટણી નવેમ્બરમાં યોજાય તેવી શક્યતા છે.
Click it and Unblock the Notifications
Sign in with Google
