Maharashtra Election 2024 : મહારાષ્ટ્રમાં બીજેપીની ઘરવાપસી? જાણો શું કહે છે લેટેસ્ટ સર્વે?

Maharashtra Assembly Election 2024 : મહારાષ્ટ્રમાં આ વખતે મહા વિકાસ અઘાડી અને મહાયુતિ બન્ને ગઠબંધન પુરી તાકાત સાથે ચૂંટણીમાં ઉતરી ચુક્યા છે.

આ બન્ને ગઠબંધન વચ્ચે અખિલેશ યાદવની સમાજવાદી પાર્ટી અને ઔવેેશીની AIMIM માટે ચૂંટણી પહેલા જ માઠા સમાચાર આવ્યા છે.

બન્ને ગઠબંધનના નેતાઓના દાવા વચ્ચે ઇલેક્ટોરલ એજનો પ્રી-પોલ સર્વે સામે આવ્યો છે. આ સર્વે પર વિશ્વાસ કરીએ તો મહારાષ્ટ્રમાં મહા વિકાસ અઘાડી મહાયુતિ પર ભારે પડી શકે છે.

આ સર્વે અનુસાર મહારાષ્ટ્ર વિધાનસભા ચૂંટણીમાં મહા વિકાસ અઘાડી 157 સીટો જીતી શકે છે. આમાં કોંગ્રેસને 68 સીટો, એનસીપી (એસપી)ને 44 સીટો, શિવસેના (યુબીટી)ને 41 સીટ, સમાજવાદી પાર્ટીને 1 સીટ, સીપીઆઈએમને 1 સીટ અને પીડબલ્યુપીને 2 સીટ મળી શકે છે.

આ સર્વે અનુસાર મહારાષ્ટ્ર ચૂંટણીમાં જનતા મહાયુતિને ખુરશી પરથી હટાવીને સરકાર બનાવી શકે છે. આ સર્વે અનુસાર, ભાજપને 79 બેઠકો, શિવસેના (શિંદે)ને 23 બેઠકો, NCPને 14 બેઠકો, RYSPને એક બેઠક અને અન્યને 14 બેઠકો મળી શકે છે.

જણાવી દઈએ કે, મહારાષ્ટ્ર લોકસભા ચૂંટણીમાં ખરાબ પ્રદર્શન બાદ વિધાનસભાની ચૂંટણી ભાજપ માટે કપરી બની છે. બીજી તરફ મહા વિકાસ અઘાડી જીતી રહી છે પરંતુ તેની સહયોગી પાર્ટી સમાજવાદી પાર્ટીને નુકસાન થઈ રહ્યું છે. આ સિવાય AIMIM ચીફ અસદુદ્દીન ઓવૈસીને નુકસાન થઈ રહ્યું છે. 2019 વિધાનસભાની ચૂંટણીમાં SP અને AIMIM બંનેને 2-2 બેઠકો મળી હતી.

વોટ શેરની વાત કરીએ તો મહાયુતિને 41 ટકા વોટ મળી શકે છે. ભાજપને 24 ટકા, શિવસેના (શિંદે)ને 11 ટકા, એનસીપીને 6 ટકા વોટ મળી શકે છે.

બીજી તરફ મહા વિકાસ અઘાડીને 49 ટકા વોટ મળી શકે છે. આમાંથી કોંગ્રેસને 19 ટકા, NCP (SP)ને 13 ટકા, શિવસેના (UBT)ને 17 ટકા વોટ મળી શકે છે.

English summary

Maharashtra Election 2024: Defeat of BJP in Maharashtra? Know what the latest survey says?