ઓડિસામાં મોટી ટ્રેન દુર્ઘટના, કોરોમંડલ એક્સપ્રેસ માલગાડી સાથે અથડાઈ, મોટી સંખ્યામાં જાનહાનિની આશંકા
ભારતીય રેલવેને વધુ એક વખત મોટો અકસ્માત નડ્યો છે. સામે આવી રહેલા સમાચારો અનુસાર ઓરિસ્સામાં કોરોમંડલ એક્સપ્રેસ અને માલગાડી વચ્ચે ટક્કર થતા મોટો અકસ્માત સર્જાયો છે.
સમાચારો અનુસાર, ઓડિશા બાલાસોર જિલ્લાના બહાનાગા રેલ્વે સ્ટેશન પાસે કોરોમંડલ એક્સપ્રેસ દુર્ઘટનાનો ભોગ બની છે. હાલ તાત્કાલિક ધોરણે બચાવ ટીમોને રવાના કરાઈ છે. લોકોને બચાવવામાં આવી રહ્યા છે.
સર્ધન રેલવે સીપીઆરઓ દ્વારા જણાવ્યા અનુસાર, કોરોમંડલ એક્સપ્રેસ ઓડિશાના બાલાસોરમાં બહાનાગા સ્ટેશન નજીક પાટા પરથી ઉતરી ગઈ છે. કેટલીક બોગી પાટા પરથી ઉતરી જવાના અહેવાલ છે. ઘટના બાદ શોધ અને બચાવ કામગીરી માટે ટીમો ઘટનાસ્થળે રવાના થઈ ગઈ છે.
વિશેષ રાહત કમિશનર કાર્યાલયે જણાવ્યુ કે, બાલાસોરના જિલ્લા વહીવટીતંત્રને પણ એલર્ટ કરી દેવામાં આવ્યું છે અને પરાંત એસઆરસીને જાણ કરવા સૂચના આપવામાં આવી છે.
આ ટ્રેન દુર્ઘટનામાં ઘણા લોકો ઘાયલ થવા હોવાની આશંકા છે. અહેવાલો અનુસાર, પલટી ગયેલી બોગીઓમાં લગભગ 200 મુસાફરો ફસાયા છે. આ ઘટનામાં ટ્રેન નંબર 12841 શાલીમાર-ચેન્નઈ કોરોમંડલ એક્સપ્રેસના આઠ ડબ્બા બહાનાગા સ્ટેશન પાસે માલગાડી સાથે અથડાયા હતા.
Click it and Unblock the Notifications
Sign in with Google
