મમતા બેનર્જીને માથાના ભાગે ઈજા, જાણો કેવી છે હાલત?
પશ્ચિમ બંગાળના મુખ્યમંત્રી મમતા બેનર્જી ઈજાગ્રસ્ત થયા હોવાના અહેવાલ છે. સમાચારો અનુસાર, મમતા બેનર્જીને માથાના ભાગે ઈજા થઈ છે.
પશ્ચિમ બંગાળના મુખ્યમંત્રી મમતા બેનર્જીને માથામાં ગંભીર ઈજા થઈ છે. આ પછી તેને હોસ્પિટલમાં દાખલ કરવામાં આવ્યા છે.
TMC એ સત્તાવાર ટ્વિટર હેન્ડલ પર મમતા બેનર્જીની ઈજા વિશે માહિતી આપવામાં આવી છે. ટ્વિટમાં જણાવાયુ છે કે, અમારા અધ્યક્ષ મમતા બેનર્જી ગંભીર રીતે ઘાયલ થયા છે. તેમના માટે પ્રાર્થના કરો.
TMCએ મમતા બેનર્જીની કેટલીક તસવીરો શેર કરી છે. આમાં તેના કપાળ પર ઈજા દેખાઈ રહી છે. તેના માથામાંથી પણ લોહી નીકળતું દેખાઈ રહ્યું છે.
મમતા બેનર્જી કેવી રીતે ઘાયલ થયા તેનું કારણ હજુ સુધી સામે આવ્યું નથી. ટીએમસીએ પણ તેના ટ્વીટમાં આ માહિતી આપી નથી. જો કે, મીડિયા રિપોર્ટ્સમાં દાવો કરવામાં આવ્યો છે કે મમતાને આ ઈજા તેના ઘરે થઈ છે.
મમતાની ઈજાના સમાચાર મળતાં જ તેનો ભત્રીજો અભિષેક બેનર્જી ઘરે પહોંચ્યો હતો. આ પછી તેને હોસ્પિટલ લઈ જવામાં આવ્યો. મમતા બેનર્જીને રાજ્ય સરકાર દ્વારા સંચાલિત SSKM હોસ્પિટલમાં દાખલ કરવામાં આવ્યા છે.
Our chairperson @MamataOfficial sustained a major injury.
— All India Trinamool Congress (@AITCofficial) March 14, 2024
Please keep her in your prayers 🙏🏻 pic.twitter.com/gqLqWm1HwE
ગયા વર્ષે જૂનમાં ખરાબ હવામાનને કારણે મમતા બેનર્જીના હેલિકોપ્ટરનું સિલીગુડી નજીક ઈમરજન્સી લેન્ડિંગ કરવામાં આવ્યું હતું. આ દરમિયાન મમતા બેનર્જીના પગમાં ઈજા થઈ હતી.
થોડા મહિનાઓ બાદ સપ્ટેમ્બરમાં સ્પેનની મુલાકાત દરમિયાન મમતાને ડાબા પગમાં ઈજા થઈ હતી. મમતાએ બાદમાં જણાવ્યું હતું કે તેમને પગમાં ઈન્ફેક્શન છે.
Click it and Unblock the Notifications
Sign in with Google
