દિલ્લીમાં પ્રિન્સિપાલના 244 પદો ખાલી, તેમછતાં LGએ નિમણૂક પર લગાવી રોકઃ મનીષ સિસોદિયા
દિલ્લીની સરકારી શાળાઓમાં આચાર્યોની નિમણૂક અંગે ઉપરાજ્યપાલની ટિપ્પણીને ઉપ મુખ્યમંત્રી મનીષ સિસોદિયાએ નકારી કાઢી છે અને કહ્યુ કે ઉપરાજ્યપાલ ખોટુ બોલી રહ્યા છે.
ઉપ મુખ્યમંત્રી મનીષ સિસોદિયાએ દિલ્લીની સરકારી શાળાઓમાં આચાર્યોની નિમણૂક અંગે ઉપરાજ્યપાલની ટિપ્પણીને નકારી કાઢી છે. તેમણે કહ્યુ કે ઉપરાજ્યપાલે શિક્ષણમંત્રીને બાયપાસ કરીને આચાર્યોની નિમણૂક અટકાવી દીધી છે અને સરકાર તરફથી વિલંબનો દાવો કરીને ખોટુ બોલી રહ્યા છે. એલજીએ જ શિક્ષણ વિભાગના અધિકારીઓને મંત્રીને રિપોર્ટ ન કરવા સૂચના આપી હતી.
ડેપ્યુટી સીએમ મનીષ સિસોદિયાએ કહ્યુ કે ઉપરાજ્યપાલ 126 પોસ્ટ્સને રિવાઈવ કરવા માટે ખોટી રીતે ક્રેડિટ લઈને દિલ્લીની જનતાને ગેરમાર્ગે દોરી રહ્યા છે, જ્યારે બાકીની 244 પોસ્ટ બેકબર્નર પર મૂકવામાં આવી છે. LG એ ક્રેડિટ લેવાનુ બંધ કરવુ જોઈએ અને તેમણે તાત્કાલિક 244 આચાર્યોની નિમણૂકને મંજૂર કરવી જોઈએ. તેમણે કહ્યુ કે જે શાળાઓ વાસ્તવમાં અસ્તિત્વમાં છે, જ્યાં બાળકો અભ્યાસ કરે છે, ત્યાં અભ્યાસ પરથી શા માટે નક્કી કરવુ છે કે શાળાને આચાર્યની જરૂર છે કે નહિ?
ઉપ મુખ્યમંત્રી મનીષ સિસોદિયાએ મંગળવારે દિલ્લીની સરકારી શાળાઓમાં આચાર્યોની નિમણૂક પર દિલ્લીના LG દ્વારા કરવામાં આવેલા વારંવારના ખોટા દાવાઓનો પર્દાફાશ કરતુ નિવેદન બહાર પાડ્યુ. તાજેતરમાં, LG એ પ્રિન્સિપાલની 126 પોસ્ટ્સને મંજૂરી આપવાના આડમાં 244 મુખ્ય શિક્ષકોની નિમણૂકમાં વિલંબ કરવાના તેમના પગલા વિશે વિરોધાભાસી દાવાઓ કરતુ નિવેદન બહાર પાડ્યુ હતુ.
એલજી દ્વારા બહાર પાડવામાં આવેલ આ પ્રકારનુ બીજુ નિવેદન છે જે આ બાબતના તથ્યોથી સંપૂર્ણપણે વંચિત છે. આ અઠવાડિયે 4 અને 5 ફેબ્રુઆરીના રોજ, ડેપ્યુટી સીએમએ એલજીના દાવાઓનો જવાબ આપ્યો અને એલજીને સમજાવવા કહ્યું કે તેઓ શા માટે આવી મહત્વપૂર્ણ નિમણૂકોમાં વિલંબ કરી રહ્યા છે? તેમણે આ મુદ્દાનુ રાજકીયકરણ ન કરવા વિનંતી કરી.
ડેપ્યુટી સીએમએ કહ્યુ છે કે ઉપરાજ્યપાલ ફરી એકવાર સરકારી શાળાઓમાં આચાર્યોની નિમણૂકને લઈને ખોટુ બોલ્યા છે. હાલત એવી છે કે સરકારી શાળાઓમાં આચાર્યની જગ્યાઓ ખાલી પડી છે અને શાળાઓ આચાર્ય વિના ચાલી રહી છે. એલજીની સૂચનાથી શાળાના આચાર્યોની નિમણૂક અંગેની ફાઈલો શિક્ષણ મંત્રીને બતાવવામાં આવતી નથી. આચાર્યોની નિમણૂક ન કરવી એ એલજીની કામગીરીની નિષ્ફળતા છે.
જો એલજી સેવા વિભાગના પ્રભારી બને અને શિક્ષણ મંત્રીને બાયપાસ કરીને તમામ નિર્ણયો લે તો નિષ્ફળતા માટે જવાબદાર કોણ? આ 244 જગ્યાઓ સમયસર કેમ ન ભરાઈ? 5 વર્ષથી વધુ સમયથી શાળાના આચાર્યોની જગ્યાઓ ખાલી રહેવા માટે જવાબદાર કોણ?
ખુદ એલજીએ શિક્ષણ મંત્રીની જાણ વગર આચાર્યોની નિમણૂંકો પર પ્રતિબંધ મૂક્યો હતો અને હવે ફરીથી એલજીની સૂચનાથી શિક્ષણ મંત્રીની જાણ વગર એલજીને ફાઈલો સોંપી દેવામાં આવી છે. નાયબ મુખ્યમંત્રીએ કહ્યું કે એલજીનો દાવો છે કે તેમણે શિક્ષણ વિભાગના પ્રસ્તાવના આધારે 244 પદો નાબૂદ કરવાની મંજૂરી આપી હતી. શું તે એ વાતની પુષ્ટિ કરી શકે છે કે આ ફાઇલ તેમને શિક્ષણ મંત્રી મારફત મોકલવામાં આવી હતી? શું તેમણે અધિકારીઓને મંત્રીને જાણ કર્યા વિના સેવાઓ સંબંધિત બાબતોની ફાઈલો સીધી પોતાની પાસે રાખવાનો નિર્દેશ નથી કર્યો?
આ 244 શાળાઓમાં આચાર્યોની જગ્યાઓ તાત્કાલિક ભરવાની જરૂર છે. હું વિનંતી કરુ છુ કે જ્યારે આ શાળાઓ પહેલેથી જ કાર્યરત છે ત્યારે આચાર્યની જરૂર છે કે નહીં તેનો અભ્યાસ કરવાની જરૂર નથી. તેના માટે માત્ર એલજીના નિર્ણયની જરૂર છે કે આ જગ્યાઓ માટે અભ્યાસ કરવાને બદલે આ તમામ જગ્યાઓ તાત્કાલિક ભરવામાં આવે.
Click it and Unblock the Notifications
Sign in with Google
