NEET UG ના રિઝલ્ટમાં ઘણા નવા ખુલાસા, હરિયાણામાં કૌભાંડની આશંકા
સુપ્રીમ કોર્ટના આદેશ બાદ એનટીએએ નેટ યુજીનું સેન્ટર મુજબ વિગતવાર રિઝલ્ટ પ્રકાશિત કર્યુ છે. આ રિઝલ્ટમાં ઘણા મોટા ખુલાસા થઈ રહ્યાં છે.
NTA દ્વારા અપલોડ કરાયેલા આ જિલ્લા અને પરીક્ષા કેન્દ્ર મુજબના પરિણામમાં ચોંકાવનારા આંકડા બહાર આવ્યા છે. જેના કારણે આ પરીક્ષામાં ગોટાળાનો પર્દાફાશ થયો છે.
હરિયાણામાં એક NEET પરીક્ષા કેન્દ્રમાં છ વિદ્યાર્થીઓએ 720 માંથી 720 માર્કસ મેળવ્યા હતા. હવે NTA દ્વારા અપલોડ કરાયેલું નવું પરિણામ જૂના પરિણામ સાથે આઘાતજનક વિરોધાભાસ દર્શાવે છે. NTA દ્વારા જાહેર કરાયેલા આ કેન્દ્ર મુજબના પરિણામમાં કોઈ પણ વિદ્યાર્થીએ 682થી ઉપરનો સ્કોર કર્યો નથી.
NEET પરિણામોના વિશ્લેષણમાં જાણવા મળ્યું છે કે હરિયાણાના બહાદુરગઢની હરદયાલ પબ્લિક સ્કૂલમાં કુલ 494 વિદ્યાર્થીઓએ પરીક્ષા આપી હતી. જેમાં સૌથી વધુ સ્કોર કરનાર ઉમેદવારનો સ્કોર 682 હતો એટલે કે માત્ર એક જ વિદ્યાર્થીએ તે હાંસલ કર્યો હતો. વધુમાં માત્ર 13 વિદ્યાર્થીઓ 600 થી વધુ માર્ક્સ મેળવીને આ પરીક્ષા પાસ કરી શક્યા છે.
જણાવી દઈએ કે, હરિયાણાના આ હરદયાલ પબ્લિક સ્કૂલના પરીક્ષા કેન્દ્રને લઈને વિવાદ ત્યારે શરૂ થયો હતો જ્યારે થોડા દિવસો પહેલા NEET પરીક્ષાના પરિણામ ડેટા અપલોડ કરવામાં આવ્યા હતા, જેમાં છ વિદ્યાર્થીઓ સાચા સ્કોર સાથે બતાવવામાં આવ્યા હતા. જેમાં બે વિદ્યાર્થીઓએ અનુક્રમે 718 અને 719 માર્કસ મેળવ્યા હતા.
એક જ કેન્દ્રના બે ઉમેદવારોના માર્કસમાં સમાનતા આવતાં હોબાળો શરૂ થયો હતો અને આ મામલે સુપ્રીમ કોર્ટે હસ્તક્ષેપ કરીને ગ્રેસ પોઈન્ટ્સ રદ કર્યા હતા અને 1,563 ઉમેદવારોને પરીક્ષામાં ફરીથી હાજર થવાનો આદેશ આપ્યો હતો. જેમાંથી 800 જેટલા વિદ્યાર્થીઓએ ફરી પરીક્ષા આપી હતી.
Click it and Unblock the Notifications
Sign in with Google
