MCD Election: આમ આદમી પાર્ટીએ જાહેર કરી 134 ઉમેદવારોના નામની પહેલી યાદી

આમ આદમી પાર્ટીએ 134 ઉમેદવારોની પ્રથમ યાદી બહાર પાડી.

MCD Election: ગુજરાત અને હિમાચલ વિધાનસભાની ચૂંટણીની સાથે સાથે દિલ્લીમાં મહાનગરપાલિકાની ચૂંટણી પણ નજીક આવી રહી છે. હાલમાં દિલ્લી MCDમાં ભાજપનુ શાસન છે પરંતુ આ વખતે આમ આદમી પાર્ટીએ પણ ચૂંટણીમાં પૂરી તાકાત લગાવી દીધી છે. જે અંતર્ગત આમ આદમી પાર્ટીએ 134 ઉમેદવારોની પ્રથમ યાદી બહાર પાડી. પાર્ટીનો દાવો છે કે આ વખતે તે સારા મતોથી દિલ્લી મ્યુનિસિપલ કોર્પોરેશન કબજે કરશે.

પાર્ટીના દિલ્લી યુનિટે ઉમેદવારોની યાદી ટ્વીટ કરી અને લખ્યુ કે આમ આદમી પાર્ટીએ એમસીડી ચૂંટણી માટે ઉમેદવારોની પ્રથમ યાદી જાહેર કરી છે. 90% જૂના કાર્યકરોને ચૂંટણી લડવાની તક આપવામાં આવી છે. દિલ્લી ટૂંક સમયમાં કચરા મુક્ત બનીને વર્લ્ડ ક્લાસ બનશે. પાર્ટીનો દાવો છે કે તેના તમામ ઉમેદવારો બમ્પર વોટથી જીતશે કારણ કે દિલ્લીના લોકો ભાજપના શાસનથી કંટાળી ગયા છે. આમ આદમી પાર્ટી નેતાઓના જણાવ્યા મુજબ તમામ ઉમેદવારો વર્ષોથી ગ્રાઉન્ડ લેવલ પર કામ કરી રહ્યા છે. તેમને લઈને અનેક વોર્ડમાં સર્વે કરવામાં આવ્યો હતો. આ સાથે લોકો પાસેથી સતત ફીડબેક લેવામાં આવ્યા હતા. આ પછી જ આ યાદીને અંતિમ સ્વરૂપ આપવામાં આવ્યુ છે.

આમ આદમી પાર્ટીએ શુક્રવારે સ્ટાર પ્રચારકોની યાદી પણ જાહેર કરી હતી. જેમાં 30 નેતાઓના નામ છે. આ વખતે એમસીડી ચૂંટણીમાં બે મુખ્યમંત્રીઓ એટલે કે અરવિંદ કેજરીવાલ અને ભગવંત માન ઉમેદવારો માટે વોટ માંગશે. આ સિવાય લિસ્ટમાં બીજુ નામ ઉપ મુખ્યમંત્રી મનીષ સિસોદિયાનુ છે. સાથે જ પાર્ટીએ પૂર્વ મંત્રી રાજેન્દ્ર પાલ ગૌતમને પણ સ્ટાર પ્રચારક બનાવ્યા છે. તાજેતરમાં તેમના પર હિન્દુ દેવી-દેવતાઓનુ અપમાન કરવાનો આરોપ લાગ્યો હતો. જે બાદ સીએમ કેજરીવાલે રાજીનામુ લઈ લીધુ હતુ. હવે વિરોધ પક્ષોએ તેને ફરી એક મુદ્દો બનાવ્યો છે. આ સિવાય આમ આદમી પાર્ટીએ 10 ચૂંટણી ગેરંટી પણ જાહેર કરી છે. જેમાં દિલ્લીને સ્વચ્છ બનાવવાનુ વચન આપવામાં આવ્યુ હતુ.

First list of AAP candidates for Delhi MCD elections is OUT!

Congratulations to all the candidates 💐

Delhi will soon be a clean & green city!#MCDMeinBhiKejriwal pic.twitter.com/vqRctcR39F

— AAP (@AamAadmiParty) November 11, 2022

English summary

MCD Election: Aam Aadmi Party release first list of 134 candidates