ગોવામાં સગીરા સાથે ગેંગરેપ, પાંચની ધરપકડ
પોલીસે જણાવ્યા પ્રમાણે 20 દિવસ પહેલા સગીરાને તેના એક મિત્રએ મળવા માટે પોતાના ઘરે બોલાવી હતી. તેના મિત્રએ કહ્યું કે તેની માતા કંઇક વાત કરવા માંગે છે. સગીરા જ્યારે તેના મિત્રના ઘરે પહોંચી તો તેના મિત્રએ સગીરાને બળજબરીપૂર્વક કંઇક પીવા કહ્યું. સગીરાએ જેવું એ પીધું કે તે બેભાન થઇ ગઇ. બેભાન હાલતમાં પાંચ લોકોએ તેના પર બળાત્કાર કર્યો. સગીરા આ ઘટના બાદ એટલી ભયભીત થઇ ગઇ હતી કે તે કોઇને પણ આ વાત કરી શકતી નહોતી.
જો કે પરિજનોએ પૂછતા સગીરાએ પોતાની સાથે વીતેલી આપવીતિ જણાવી અને કેસ દાખલ કરાવવામાં આવ્યો. બાદમાં સગીરાની ફરિયાદ પર પોલીસે મામલો દાખલ કરાવ્યો અને સગીરાને મેડિકલ તપાસ માટે મોકલી દેવામાં આવી. હજુ પીડિતાનો મેડિકલ રિપોર્ટ આવ્યો નથી. સગીરાના જણાવ્યા બાદ પાંચ યુવકોની ધરપકડ કરવામાં આવી છે.
Click it and Unblock the Notifications
Sign in with Google
