મોદી સરકારનો દાવો, 2017 થી 2019 વચ્ચે 3.79 લાખ સરકારી નોકરીઓ આપી

કેન્દ્રની મોદી સરકાર પર દેશમાં બેરોજગારીને કારણે ઘણા સવાલો કરવામાં આવી રહ્યા છે. તેવી સ્થિતિમાં હાલમાં જ મોદી સરકારે વર્ષ 2017 થી 2019 વચ્ચે 3.79 લાખ સરકારી નોકરીઓ આપવાનો દાવો કર્યો છે. 2019-20 અંતરિમ બજેટમાં તેનો ઉલ્લેખ કરવામાં આવ્યો છે. સરકારનું કહેવું છે કે તેમને 2017-18 દરમિયાન 2,51,279 જેટલી નોકરીઓ આપી, જયારે હવે આ આંકડો 3,79,544 સુધી પહોંચવાનું અનુમાન છે.

આ ડેટા મોદી સરકાર માટે ફાયદાકારક સાબિત થઇ રહ્યા છે કારણકે વિપક્ષ હંમેશા મોદી સરકાર પર નોકરીઓ નહીં આપવાને કારણે પ્રહાર કરતા રહ્યા છે. આ નોકરીઓમાં સૌથી વધારે નિયુક્તિ રેલવે મંત્રાલય, પોલીસ ફોર્સ અને ડાયરેક્ટ એન્ડ ઈન્ડાયરેક્ટ ટેક્સ ડિપાર્ટમેન્ટમાં થઇ છે. તેની સાથે સાથે એવું પણ જણાવવામાં આવી રહ્યું છે કે ભારતીય રેલવે 1 માર્ચ 2019 સુધી 98,999 નોકરીઓ આપશે.

આ પણ વાંચો: PM Kisan યોજનાના રૂ. 2 હજાર રૂપિયા નહીં મેળવી શકો, જો આ દસ્તાવેજો નથી તો

તેની સાથે સાથે 1 માર્ચ 2019 સુધી પોલીસ વિભાગમાં 79,353 નોકરીઓ હશે. ત્યાં જ ડાયરેક્ટ ટેક્સ ડિપાર્ટમેન્ટમાં 1 માર્ચ 2019 સુધીમાં 80,143 નોકરીઓ આપવામાં આવશે. સિવિલ એવિયેશન મંત્રાલયમાં 1 માર્ચ 2019 સુધીમાં 2363 કરતા પણ વધારે નોકરીઓ હશે. પોસ્ટ વિભાગમાં 4,21,068 જેટલા લોકોને 1 માર્ચ સુધીમાં નોકરીઓ માટે નિયુક્ત કરવામાં આવશે. એટલું જ નહીં પરંતુ વિદેશ મંત્રાલયમાં પણ 11,877 લોકોને નિયુક્ત કરવામાં આવશે.

આ પણ વાંચો: NSSO સર્વેઃ બેરોજગારીએ તોડ્યો 45 વર્ષનો રેકોર્ડ, નોટબંધી બાદ 6.1 %એ પહોંચ્યો આંકડો

English summary

modi government claims that they gave 3.79 lakh jobs in 3 years