Black Fungus: ચંદીગઢમાં બ્લેક ફંગસ મહામારી ઘોષિત, તમિલનાડુ સરકારે ગણાવ્યો અધિસૂચિત રોગ, જાણો લક્ષણ

ગુરુવારે મોડી રાતે ચંદીગઢ હેલ્થ ડિપાર્ટમેન્ટ અને તમિલનાડુ સરકારે પણ બ્લેક ફંગસ એટલે કે મ્યૂકોરમાઈકોસિસ વિશે મોટુ એલાન કર્યુ છે.

Published: Friday, May 21, 2021, 9:29 [IST]

નવી દિલ્લીઃ કોરોના મહામારી વચ્ચે બ્લેક ફંગસે(મ્યુકોરમાઈકોસિસ) પણ ડૉક્ટરોની ચિંતા વધારી દીધી છે. દેશના ઘણા રાજ્યો જેવા કે આસામ, તેલંગાના, રાજસ્થાન, ગુજરાત, ઓરિસ્સા અને પંજાબે આને મહામારી જાહેર કરી દીધી છે. વળી, ગુરુવારે મોડી રાતે ચંદીગઢ હેલ્થ ડિપાર્ટમેન્ટ અને તમિલનાડુ સરકારે પણ બ્લેક ફંગસ એટલે કે મ્યૂકોરમાઈકોસિસ વિશે મોટુ એલાન કર્યુ છે. ચંદીગઢ પ્રશાસને બ્લેક ફંગસને એપિડેમિકમાં શામેલ કરી દીધી છે. તેણે Epidemic Diseases Act 1897 હેઠળ આ પગલુ લીધુ છે. વળી, તમિલનાડુ સરકારે 9 લોકો બ્લેક ફંગસ સંક્રમિત મળ્યા બાદ તેને એક અધિસૂચિત રોગ જાહેર કર્યો છે. જેનાથી આવા દર્દીઓના ઈલાજમાં કોઈ પ્રકારની બેદરકારી ના થઈ શકે અને સમુચિત ઈલાજ થઈ શકે.

બ્લેક ફંગસનુ જોખમ વધી રહ્યુ છે

તમને જણાવી દઈએ કે ભારતમાં મ્યૂકરમાઈકોસિસ એટલે કે બ્લેક ફંગસનુ જોખમ વધી રહ્યુ છે. દેશભરના ઘણા રાજ્યોમાંથી કોવિડ-19 થી રિકવર થનારા દર્દીઓમાં બ્લેક ફંગસ જોવા મળ્યુ છે. મહારાષ્ટ્રમાં આ ઈન્ફેક્શનથી અત્યાર સુધી 90 લોકોના મોત થઈ ચૂક્યા છે અને હજુ પણ 1500 દર્દી આનાથી સંક્રમિત છે. જ્યારે રાજસ્થાનમાં બ્લેક ફંગસના 100થી વધુ કેસ સામે આવી ચૂક્યા છે. વળી, હરિયાણા, ગુજરાત, ઓરિસ્સા અને પંજાબમાં પણ આના દર્દી વધી રહ્યા છે.

શું છે બ્લેક ફંગસ?

બ્લેક ફંગસનુ વૈજ્ઞાનિક નામ મ્યૂકોરમાઈકોસિસ છે કે જે રેર ફંગલ ઈન્ફેક્શન છે. આ ડાયાબિટીઝના દર્દીઓ માટે વધુ જોખમી છે. એઈમ્સના નિર્દેશક ડૉ. રણદીપ ગુલેરિયાએ કહ્યુ છે કે કોરોના મહામારી દરમિયાન આના કેસ બહુ જોવા મળી રહ્યા છે જેનુ સૌથી મોટુ કારણ છે કોવિડના દર્દીઓ પર સ્ટીરૉઈડ્ઝનો વધુ ઉપયોગ, આની અસર આંખો પર વધુ થાય છે.