અઢળક સંપત્તિના માલિક હતા મુલાયમ સિંહ યાદવ, જાણો Mulayam Singh Yadav Net Worth

મુલાયમ સિંહ યાદવ એટલે કે નેતાજી હવે આપણી વચ્ચે રહ્યા નથી. સમાજવાદીના સંસ્થાપક અને ત્રણવાર ઉત્તર પ્રદેશના મુખ્યમંત્રી રહી ચૂકેલા મુલાયમ સિંહ યાદવનું સોમવારના રોજ સવારે 8 કલાક અને 16 મીનિટે નિધન થયું હતું.

Mulayam Singh Yadav Net Worth : મુલાયમ સિંહ યાદવ એટલે કે નેતાજી હવે આપણી વચ્ચે રહ્યા નથી. સમાજવાદીના સંસ્થાપક અને ત્રણવાર ઉત્તર પ્રદેશના મુખ્યમંત્રી રહી ચૂકેલા મુલાયમ સિંહ યાદવનું સોમવારના રોજ સવારે 8 કલાક અને 16 મીનિટે નિધન થયું હતું. 82 વર્ષીય નેતાજી લાંબા સમયથી બીમાર હતા. તેમની ગુરૂગ્રામના મેદાંતા હોસ્પિટલમાં તેમનો ઇલાજ ચાલી રહ્યો હતો.

કેટલી સંપત્તિના માલિક છે મુલાયમ સિંહ યાદવ?

22 નવેમ્બર, 1939ના રોજ જન્મેલા મુલાયમ તળિયાના નેતા હતા. તે એક સમયે સાયકલ ચલાવા હતા અને મહિને 120 રૂપિયા કમાતા હતા. સખત મહેનત અને સંઘર્ષ સાથે, તેમણે પોતાની પાર્ટી બનાવી અને ભારતીય રાજનીતિમાં ખૂબ આગળ વધ્યા હતા. આવો જાણીએ મુલાયમ સિંહ યાદવ પોતાની પાછળ કેટલી સંપત્તિ છોડી ગયા છે.

મુલાયમ સિંહ યાદવની મિલકત

મુલાયમ સિંહ યાદવનું અવસાન રાજકારણના એક યુગનો અંત છે. મુલાયમ સિંહ યાદવે 2019ની લોકસભા ચૂંટણી લડી હતી. તે દરમિયાન તેમણે સોગંદનામામાં પોતાની સંપત્તિની વિગતો આપી હતી.

આ એફિડેવિટ મુજબ મુલાયમ સિંહ યાદવની પાછળ 16 કરોડ 52 લાખ 44 હજાર 300 રૂપિયાની ચલ અને અચલ સંપત્તિ છે. મુલાયમે 16 કરોડથી વધુની સંપત્તિ છોડી દીધી છે.

મુલાયમે પુત્ર અખિલેશ પાસેથી લીધી હતી કરોડો રૂપિયાની લોન

વર્ષ 2019માં લોકસભા ચૂંટણી દરમિયાન આપવામાં આવેલા એફિડેવિટ મુજબ મુલાયમ પર 2.13 કરોડ રૂપિયાની લોન છે, જે તેમણે તેમના પુત્ર અખિલેશ યાદવ પાસેથી લીધી હતી.

મુલાયમે એફિડેવિટમાં જણાવ્યું હતું કે, તેમણે તેમની પત્ની સાધના ગુપ્તાને પણ 6 લાખ 75 હજાર રૂપિયા ઉછીના આપ્યા હતા.

English summary

Mulayam Singh Yadav Net Worth : Mulayam Singh Yadav was the owner of huge wealth