મુંબઇ ભારતનુ સૌથી મોંઘુ શહેર, રહેવા માટે કયુ શહેર છે સૌથી સસ્તુ?, અમદાવાદના શું છે હાલ

નાઈટ ફ્રેન્ક ઈન્ડિયાએ શહેરોમાં રહેવાની કિંમત પર પોષણક્ષમતા સૂચકાંક બહાર પાડ્યો છે. જે મુજબ દેશના ટોપ મોંઘા શહેરોમાં મુંબઈ ટોપ પર રહે છે. આ સિવાય જો આપણે એફોર્ડેબિલિટી ઇન્ડેક્સ પર નજર કરીએ તો ભારતમાં ઘણા ટોચના શહેરો એવા છે જ્યાં રહેવાનું ખૂબ સસ્તું છે. ભારતના સૌથી સસ્તા શહેરોમાં અમદાવાદનું નામ મોખરે છે.

નાઈટ ફ્રેન્ડ ઈન્ડિયા દ્વારા બહાર પાડવામાં આવેલ એફોર્ડેબિલિટી ઈન્ડેક્સ શહેરમાં માસિક હાઉસિંગ ઈન્સ્ટોલમેન્ટ (EMI) અને માસિક કૌટુંબિક આવકનો ગુણોત્તર દર્શાવે છે. આ ઈન્ડેક્સ પ્રમાણે રહેવા માટે મુંબઈ સૌથી મોંઘું શહેર છે. જ્યારે કોલકાતા, પુણે સહિતના ઘણા ટોચના શહેરો આવાસની દ્રષ્ટિએ ખૂબ જ સસ્તું છે.

મુંબઈ માટે હોમ લોન EMI થી ઘરગથ્થુ આવકનો ગુણોત્તર 55% છે. જેનો અર્થ એ છે કે જો કોઈ પરિવાર હોમ લોન લે છે, તો સરેરાશ તેની અડધાથી વધુ આવક હોમ લોન ચૂકવવામાં ખર્ચવામાં આવે છે.

જ્યારે બેંગલુરુ અને ચેન્નાઈ માટે આ ગુણોત્તર 28% છે. વધુમાં, મહારાષ્ટ્રમાં પૂણે માટે EMI થી માથાદીઠ આવકનો ગુણોત્તર 26 ટકા છે. પશ્ચિમ બંગાળની રાજધાની કોલકાતા માટે આ દર માત્ર 26% છે.

રહેવા માટે ભારતના સૌથી વધુ પોસાય તેવા શહેરોમાં ગુજરાતનું અમદાવાદ પ્રથમ ક્રમે છે. અહીંના સરેરાશ પરિવારે તેમની આવકના 23% હોમ લોન EMI માટે ચૂકવવા પડે છે.

વાસ્તવમાં, શહેર માટે 40% ના નાઈટ ફ્રેન્ક અફોર્ડેબિલિટી ઈન્ડેક્સ સ્તરનો અર્થ એ થાય છે કે સરેરાશ, તે શહેરના પરિવારોએ તે એકમ માટે હોમ લોન EMI ફાઇનાન્સ કરવા માટે તેમની આવકના 40% ખર્ચ કરવાની જરૂર છે.

English summary

Mumbai is the most expensive city in India, which city is the cheapest to live in?