બિયરબારની આળમાં પીરસાતો હતો અહીં નગ્ન ડાંસ, 56ની ધરપકડ
મુંબઇના દહિસરમાં 'એમ ફોર યુ' નામના બારમાં ગુરુવારે સાંજે જ્યારે પોલીસની એક ટૂકડીએ દરોડો પાડ્યો તો ચોંકાવનારી નગ્ન વાસ્તવિકતા સામે આવી. આ બારમાં ઉપરથી તો બધુ જ ઠીક ઠાક ચાલી રહ્યું હતું. પરંતુ જ્યારે પોલીસની નજર બારની અંદર ટાઇલ્સ સાથે લાગેલા એક વોશ બેઝિન પર પડી, જેની પર શંકા જતા તેને મચેડ્યું તો એક ફિલ્મી અંદાજમાં એક દરવાજો ખુલ્યો જે ભોંયરામાં જતો હતો.
આ ભોંયરામાં જતાં જ પોલીસની આંખો ચાર થઇ ગઇ. આ ભોંયરામાં ગ્રાહકોને નગ્ન ડાન્સ પીરસવામાં આવતો હતો. પોલીસે જણાવ્યું કે આ અશ્લિલ હરકતો પણ કરવામાં આવતી. આ ભોંયરામાં હાજર તમામની પોલીસે ધરપકડ કરી લીધી છે.
પાનના સ્ટોલમાં એલાર્મ: બાર માલિકે પોલીસથી બચવા માટે બરાબરની તૈયારીઓ કરી રાખી હતી. આ બારના દરવાજાની પાસે એક પાનનો સ્ટોલ રાખવામાં આવ્યો હતો. જે પાન પીરસવાની સાથે સાથે અન્ય ઘણુંબધું કામ કરતું હતું. જ્યારે કોઇપણ પ્રકારનો ખતરો આવે તો આ પાનના સ્ટોલ પર મૂકવામાં આવેલ બટન દબાવી દેવામાં આવતું જેનાથી ભોંયરામાં એલાર્મ વાગી જતું.
મુંબઇ પોલીસના ડીસીપી સત્યનારાયણ ચૌધરીએ જણાવ્યું કે આ મામલામાં 65 લોકોની ધરપકડ કરવામાં આવી છે. તેમણે જણાવ્યું કે ભોંયરામાં કેટલાંક અશ્લિલ હરકતો કરતા પણ ઝડપાયા છે. ધરપકડ કરાયેલા લોકોમાં બાર મેનેજર અને કેશિયરનો પણ સમાવેશ થાય છે.