નરેન્દ્ર મોદીની સરખામણી 'વાંદરા' સાથે કરાઇ!

નવી દિલ્હી, 2 નવેમ્બર: ગુજરાતના મુખ્યમંત્રી નરેન્દ્ર મોદીએ કેબિનેટ મંત્રી શશિ થરૂરની પત્ની સુનંદા પુષ્કર અંગે કરેલી ટિપ્પણીથી ચારે બાજુથી વિરોધોના સૂર સંભળાઇ રહ્યા છે. મહાસસિવ દિગ્વિજય સિંહે મોદીની પત્ની પર સવાલો ઉભા કરી દીધા જ્યારે બીજી બાજુ મહિલા પંચે મોદી માટે એવી શાયરી કહી જેમાં તેમની સરખામણી વાંદરા સાથે કરી દીધી.

દિલ્હી મહિલા પંચની અધ્યક્ષ બરખાસિંહે મોદી દ્વારા શશિ થરૂરની પત્ની પર કરેલા નિવેદન પર કટાક્ષ કરતા શાયરી કહી - 'નફરતે પાલના દૂર્ભાગ્ય રહા હો જીસકા, વો કીસી રિશ્તે કી અજ્મત કહાં પહેચાનતા હૈ, પ્યાર કો પૈસે મે તૌલને વાલે સે કહાં, કોઇ બંદર અદરક કા મજા કહાં જાનતા હૈ..'

ઉલ્લેખનીય છે કે મોદીએ હિમાચલ પ્રદેશમાં ચૂંટણીસભામાં કહ્યું હતું કે 'યૂપીએના એક મંત્રીને 50 કરોડની ગર્લફ્રેન્ડના કારણે પોતાનું પદ છોડવું પડ્યું હતું. આજે પણ એવા આરોપો છે છતાં તેમને ફરીથી મંત્રી બનાવી દેવાયા.'

જોકે આ બાબતે કોંગ્રેસે કહી દીધુ છે કે ગુજરાતના સીએમ નરેન્દ્ર મોદીએ મહિલાઓનું અપમાન કર્યું છે જે બદલ તેમણે માફી માંગવી જોઇએ. આ રીતે જાહેર મંચ પરથી કોઇપણની પત્ની પર લાંછનરૂપ બાબત કહેવી જોઇએ નહીં.

English summary

Narendra Modi should Apologize to Sunanda Puskar Said Women Commission.