ભાજપે કર્યો સદનનો બહિષ્કાર, નિતિશે જીત્યો વિશ્વાસનો મત

By Kumar Dushyant

Updated: Wednesday, June 19, 2013, 16:38 [IST]

પટના, 19 જૂન: એનડીએથી છૂટા પડેલા જેડીયૂના નેતા અને બિહારના મુખ્યમંત્રી નિતિશ કુમારે બિહાર વિધાનસભામાં વિશ્વાસનો મત જીતી લીધી છે. પ્રસ્તાવના સમર્થનમાં 126 વોટ મળ્યા હતા જ્યારે વિરોધમાં 24 વોટ પડ્યા હતા. ભાજપાએ સદનનો બહિષ્કાર કર્યો હતો. કોંગ્રેસના ધારાસભ્યોએ સરકારના પ્રસ્તાવના સમર્થનમાં મતદાન કર્યું હતું. ભાજપાથી અલગ થયા બાદ મુખ્યમંત્રી નિતિશ કુમારે વિધાનસભામાં વિશ્વાસનો મત પ્રાપ્ત કરવા માટે આજે બિહાર વિધાનસભાનું વિશેષ સત્ર બોલાવ્યું હતું.

તોડજોડના ગણિત બાદ પહેલાંથી સંભાવના વ્યક્ત કરવામાં આવતી હતી કે નિતિશ કુમાર વિશ્વાસનો મત પ્રાપ્ત કરી લેશે. પરંતુ નિતિશ કુમાર સરકારને સદનમાં હવે ભાજપા જેવી સશક્ત વિપક્ષનું દબાણ સહન કરવું પડશે. બિહાર વિધાનસભાના અધ્યક્ષે ભાજપા નેતા સુશીલ કુમાર મોદીને વિરોધપક્ષના નેતા બનાવવાની જાહેરાત કરી છે.

બિહારની 243 સભ્યોવાળી વિધાનસભામાં 118 ધારાસભ્ય જેડીયૂના, 91 ધારાસભ્ય ભાજપાના, ભાકપા અને લોજપાના 1-1, આરજેડીના 22 તથા અપક્ષોની સંખ્યા 6 છે. અત્રે ઉલ્લેખનીય છે કે ભાજપા દ્વારા ગુજરાતના મુખ્યમંત્રી નરેન્દ્ર મોદીને પાર્ટીના ચૂંટણી સમિતિના અધ્યક્ષ બનાવ્યા બાદ જેડીયૂએ ભાજપા સાથે 17 જૂનો સંબંધ તોડીને અલગ થઇ ગઇ છે.