રક્ષા મંત્રી એન્ટનીને વિશેષાધિકાર હનનની નોટિસ

નવી દિલ્હી, 7 ઓગસ્ટ : ભાજપના નેતા યશવંત સિંહાએ આજે લોકસભામાં રક્ષા મંત્રી એ કે એન્ટનીને વિશેષાધિકાર હનન અંગેની નોટિસ આપી છે. આ નોટિસ કાશ્મીરના પૂંચ સેક્ટરમાં પાકિસ્તાનના હુમલા અંગે એ કે એન્ટનીએ આપેલા નિવેદન અંગે આપવામાં આવી છે. યશવંત સિંહાએ જણાવ્યું કે રક્ષા મંત્રીના નિવેદને દેશને ગુમરાહ કર્યો છે.

જમ્મુ કાશ્મીરના પૂંચ સેક્ટરમાં મંગળવારે થયેલા પાકિસ્તાની હુમલાના સંદર્ભમાં ભારતના રક્ષા મંત્રી એ કે એન્ટનીએ સંસદમાં પોતાના નિવેદનમાં આ હુમલાને આતંકવાદી હુમલો ગણાવ્યો છે.

એન્ટનીના આ નિવેદન બાદ સમગ્ર વિપક્ષ સરકારની વિરુદ્ધ અવાજ ઉઠાવી રહ્યા છે. વિપક્ષનું કહેવું છે કે એન્ટની પાકિસ્તાનના આકાઓને બચવાની તક આપી રહ્યા છે.

English summary

Notice of breach of privilege against Defence Minister Antony