આતંકવાદીઓ સામે કડક કાર્યવાહી કરે પાકિસ્તાન : એન્ટની

પૂણે, 19 જૂન : શાંત અને સ્થિર પાકિસ્તાનને ભારતના હિતમાં ગણાવતા રક્ષામંત્રી એકે એન્ટનીએ આજે જણાવ્યું કે ભારત-પાક સંબંધોમાં સુધાર માટે પાડોશી દેશને પોતાની ધરતી પરથી કામ કરી રહેલા આતંકવાદી સંગઠનોની સામે કડક કાર્યવાહી શરૂ કરવી જોઇએ.

તેમણે અત્રે પત્રકારોને કહ્યું કે 'અમે પાકિસ્તાનમાં આતંકવાદી સંગઠનોને લઇને ચિંતિત છીએ. તેમણે તેની સામે કડક કાર્યવાહી કરવી જોઇએ જેના કારણે આપણા સંબંધોમાં સુધાર આવશે.' તેમને સવાલ કરવામાં આવ્યો હતો કે શું પાકિસ્તાનમાં સરકાર બદલવાથી બંને દેશોના સંબંધ સુધરી શકશે.

પાકિસ્તાનને 'પોતાના સૌથી નજીકના પાડોશી' ગણાવતા એન્ટનીએ કહ્યું કે ભારત સરકાર તેમની સાથે મિત્રતાભર્યા સંબંધો ઇચ્છે છે કારણ કે 'શાંત અને સ્થિર પાકિસ્તાન ભારતના હિતમાં છે.'

ભારત ચીન સંબંધો અને સરહદની સ્થિતિ અંગે રક્ષામંત્રીએ કહ્યું કે 'હાલની સમસ્યાનું બંને દેશોની સંતુષ્ટિ પ્રમાણે ઉકેલ લાવી દેવાયો છે. અવારનવાર ઉભી થતી મુશ્કેલીઓને હલ કરવા માટે અમારી પાસે એ તંત્ર છે. તેમણે જણાવ્યું કે સરહદ પર શાંતિ બનાવી રાખવા માટે સર્વોચ્ચ સ્તરનો નિર્ણય હતો. તેમણે જણાવ્યું કે બંને દેશ સંયુક્ત અભ્યાસ પણ કરશે.'

English summary

Pakistan have to take strict step against terrorist said AK Antony.