Click it and Unblock the Notifications
Just In
-
-
-
-
Don't Miss
-
Flipkart Saleની જાહેરાત, સસ્તામાં ખરીદો એસી, ફ્રિજ સહિતની વસ્તુઓ, જાણો કેટલું ડિસ્કાઉન્ટ -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
સંસદીય પેનલે ડેટા પ્રોટેક્શન બિલ-2019 પરના અહેવાલને અંતિમ સ્વરૂપ આપ્યું!
પર્સનલ ડેટા પ્રોટેક્શન બિલ-2019 પરની સંયુક્ત સમિતિના ડ્રાફ્ટ રિપોર્ટને બહુમતીથી સ્વીકારાયો છે. પર્સનલ ડેટા પ્રોટેક્શન બિલ-2019 આગામી સંસદ સત્રમાં રજૂ કરવામાં આવશે.
નવી દિલ્હી, 22 નવેમ્બર : પર્સનલ ડેટા પ્રોટેક્શન બિલ-2019 પરની સંયુક્ત સમિતિના ડ્રાફ્ટ રિપોર્ટને બહુમતીથી સ્વીકારાયો છે. પર્સનલ ડેટા પ્રોટેક્શન બિલ-2019 આગામી સંસદ સત્રમાં રજૂ કરવામાં આવશે. પર્સનલ ડેટા પ્રોટેક્શન બિલ પર સંયુક્ત સંસદીય સમિતિની બેઠક ભાજપના સાંસદ પીપી ચૌધરીના નેતૃત્વમાં પૂર્ણ થઈ હતી. કેન્દ્રીય કેબિનેટે અગાઉ ડિસેમ્બર 2019માં પર્સનલ ડેટા પ્રોટેક્શન બિલ-2019ને મંજૂરી આપી હતી. આખરે બે વર્ષથી વધુ સમય પછી સંસદીય પેનલે ડેટા પ્રોટેક્શન બિલ-2019 પરના અહેવાલને અંતિમ સ્વરૂપ આપ્યું છે.
આ બિલ ભારતીય નાગરિકોના ડેટાની ગોપનીયતા અને સુરક્ષા સાથે સંબંધિત છે. આ બિલમાં રાઈટ ટુ પ્રાઈવસીને મૂળભૂત અધિકાર જાહેર કરવામાં આવ્યો છે. ડેટા પ્રોટેક્શન બિલને સૌપ્રથમવાર 2019માં સંસદમાં રજૂ કરવામાં આવ્યું હતું અને તે સમયે તેને તપાસ માટે JPC પાસે મોકલવામાં આવ્યું હતું.
પર્સનલ ડેટા પ્રોટેક્શન બિલ-2019 એ એક સીમાચિહ્નરૂપ કાયદો છે, જેનો ઉદ્દેશ્ય વ્યક્તિઓના અંગત ડેટાને લગતી ગોપનીયતાનું રક્ષણ કરવાનો છે. આ સિવાય આ બિલનો હેતુ એ જોવાનો છે કે વિવિધ કંપનીઓ અને સંસ્થાઓ ભારતમાં વ્યક્તિઓના ડેટાનો કેવી રીતે ઉપયોગ કરે છે. બિલના 2019 ડ્રાફ્ટમાં ડેટા પ્રોટેક્શન ઓથોરિટી (DPA) ની રચનાનો પ્રસ્તાવ છે, જે સોશિયલ મીડિયા કંપનીઓ અને દેશની અન્ય સંસ્થાઓ દ્વારા વપરાશકર્તાઓના વ્યક્તિગત ડેટાના ઉપયોગને નિયંત્રિત કરશે.
આ કંપનીઓ માટે ડેટા સ્થાનિકીકરણના ધોરણો પણ સેટ કરે તેવી અપેક્ષા છે. 2019 માં પ્રસ્તાવિત ડ્રાફ્ટ બિલનો સોશિયલ મીડિયા કંપનીઓ, નિષ્ણાતો અને મંત્રીઓએ પણ વિરોધ કર્યો હતો. વિરોધીઓએ કહ્યું કે તે અસરકારક અને વપરાશકર્તાઓ અને કંપનીઓ બંને માટે ફાયદાકારક બનવા માટે ઘણી બધી ખામીઓ ધરાવે છે.
