ધરપકડ બાદ ચંદ્રબાબુ નાયડુની પહેલી સોશિયલ મીડિયા પોસ્ટમાં છલકાયુ દર્દ- 45 વર્ષોમાં મે નિસ્વાર્થ ભાવથી...

Chandrababu Naidu Post after Arrested: તેલુગુ દેશમ પાર્ટી (ટીડીપી)ના પ્રમુખ અને આંધ્રપ્રદેશના પૂર્વ મુખ્યમંત્રી એન. ચંદ્રાબાબુ નાયડુની ધરપકડ બાદ તેમની પહેલી સોશિયલ મીડિયા પોસ્ટ સામે આવી છે. આ પોસ્ટ ચંદ્રબાબુ નાયડુના સત્તાવાર હેન્ડલ X (અગાઉનું ટ્વિટર) પર આવી છે.

ચંદ્રબાબુ નાયડુએ લખ્યું છે કે, "છેલ્લા 45 વર્ષથી મેં નિઃસ્વાર્થપણે તેલુગુ લોકોની સેવા કરી છે. હું તેલુગુ લોકોના હિતોની રક્ષા માટે મારા જીવનનું બલિદાન આપવા તૈયાર છું. દુનિયાની કોઈ શક્તિ મને તેલુગુ લોકો, મારા આંધ્રપ્રદેશ અને મારી માતૃભૂમિની સેવા કરતા રોકી શકશે નહીં."

પોસ્ટના અંતમાં ચંદ્રબાબુ નાયડુએ જણાવ્યું છે કે આ પોસ્ટ 09 સપ્ટેમ્બર 2023ના રોજ સવારે 6 વાગ્યે કરવામાં આવી હતી. જણાવી દઈએ કે ચંદ્રબાબુ નાયડુની પણ તે જ સમયે સ્કિલ ડેવલપમેન્ટ કૌભાંડમાં ધરપકડ કરવામાં આવી હતી. શક્ય છે કે વોરંટ જારી થયા બાદ આ પોસ્ટ કરવામાં આવી હોય. ચંદ્રબાબુ નાયડુએ પોસ્ટ સાથે પોતાની એક તસવીર પણ શેર કરી છે, જેમાં તેઓ કેટલાક દસ્તાવેજો પર સહી કરતા જોવા મળે છે.

For the past 45 years, I have selflessly served Telugu people. I am prepared to sacrifice my life to safeguard the interests of Telugu people. No force on earth can stop me from serving Telugu people, my #AndhraPradesh and my motherland.

Posted at 6 AM, 09th September 2023 pic.twitter.com/721COYldUd

— N Chandrababu Naidu (@ncbn) September 9, 2023

પોલીસ કસ્ટડીમાં લેવાતા પહેલા ચંદ્રાબાબુ નાયડુએ મીડિયાને કહ્યું, "મેં કોઈ ગેરવર્તન કે ભ્રષ્ટાચાર કર્યો નથી. સીઆઈડીએ કોઈપણ યોગ્ય માહિતી વિના મારી ધરપકડ કરી અને મેં તેમને પુરાવા બતાવવા કહ્યું, પરંતુ તેઓએ પુરાવા બતાવવાની ના પાડી અને મારી ભૂમિકા વિના એફઆઈઆરમાં મારું નામ ઉમેર્યું."

VIDEO | TDP chief N Chandrababu Naidu speaks to media after being arrested by Andhra Pradesh CID in connection with a corruption case. pic.twitter.com/iTQFAtCu1b

— Press Trust of India (@PTI_News) September 9, 2023

અહીં તેલુગુ દેશમ પાર્ટીના નેતાઓ અને કાર્યકરોએ ચંદ્રબાબુ નાયડુની ધરપકડનો વિરોધ શરૂ કરી દીધો છે. ચંદ્રબાબુ નાયડુના પુત્ર નારા લોકેશે પણ વિરોધ કર્યો હતો અને CIDની કાર્યવાહીની ટીકા કરી હતી.

English summary

Past 45 years I have selflessly served Telugu people says Chandrababu Naidu post after arrested.