પેટ્રોલ-ડીઝલના ભાવોમાં વધારો યથાવત, જાણો શું છે ભાવ

તેલના ભાવો વધવાના કારણે દેશમાં હાહાકાર મચેલો છે. તેમછતાં પણ પેટ્રોલ અને ડીઝલના ભાવોમાં ઘટાડાના અણસાર હજુ દેખાતા નથી. એક વાર ફરીથી શનિવારે તેલના ભાવો વધ્યા છે. દિલ્હીમાં પેટ્રોલ 81.63 રૂપિયા પ્રતિ લિટર થઈ ગયુ છે. પેટ્રોલની ભાવમાં 35 પૈસાની વૃદ્ધિ થઈ છે. વળી, ડીઝલનો ભાવ પણ 24 પૈસા વધીને 73.54 રૂપિયા પ્રતિ લિટર થઈ ગયો છે. તેલના ભાવ સતત વધવાના કારણે સામાન્ય જનતાને ઘણી મુશ્કેલીઓનો સામનો કરવો પડી રહ્યો છે.

વળી, મુંબઈમાં પણ તેલના ભાવોમાં વૃદ્ધિ જોવા મળી છે. મુંબઈમાં પેટ્રોલ 34 પૈસા વધીને 89.01 રૂપિયા પ્રતિ લિટર સુધી પહોંચી ગયુ છે. ડીઝલના ભાવમાં 24 પૈસાનો વધારો થયો છે અને મુંબઈમાં 78.07 રૂપિયા પ્રતિ લિટર સુધી પહોંચી ગયો છે. જ્યારે શુક્રવારે દિલ્હીમાં પેટ્રોલનો ભાવ 81.28 રૂપિયા પ્રતિ લિટર અને ડિઝલનો ભાવ 73.30 રૂપિયા પ્રતિ લિટર હતો. અમદાવાદમાં પેટ્રોલનો ભાવ 34 પૈસા વધીને રૂ.80.76 તેમજ ડીઝલનો ભાવ 26 પૈસા વધીને રૂ.78.92 થઈ ગયો છે.

મુંબઈમાં શુક્રવારે પેટ્રોલ 88.67 રૂપિયા પ્રતિ લિટર અને ડીઝલ 77.82 રૂપિયા પ્રતિ લિટર હતો. છેલ્લા કેટલાક દિવસોથી સતત પેટ્રોલ અને ડીઝલના ભાવોમાં વધારો ચાલુ છે. પેટ્રોલ અને ડીઝલના ભાવો વધવાને કારણે મોદી સરકાર પર વિપક્ષે નિશાન સાધ્યુ છે અને આના વિરોધમાં 10 સપ્ટેમ્બરે ભારત બંધ પણ આપવામાં આવ્યુ હતુ. ત્યારબાદ પણ તેલનો ભાવ વધારો રોકવામાં સરકાર નિષ્ફળ રહી છે.

English summary

Petrol diesel price increased again here is the price in your city