દિગ્ગી-અમૃતાની અંગત તસવીરો સોશિયલ સાઇટ્સ પરથી દૂર કરો : પોલીસ
નવી દિલ્હી, 3 મે : દિલ્હી પોલીસે આજે સોશિયલ નેટવર્કિંગ વેબસાઇટ્સ પરથી કોંગ્રેસના નેતા દિગ્વિજય સિંહ અને પત્રકાર અમૃતા રાવની અંગત તસવીરોને હટાવી દેવાનો આદેશ આપ્યો છે. ્મૃતાનું એકાઉન્ટ કથિત રીતે હેક કરી દેવામાં આવ્યા બાદ આ તસવીરો જાહેર થઇ ગઇ હતી.
આ પહેલા પોલીસે શુક્રવારે અમૃતાની ફરિયાદ બાદ એફઆઇઆર નોંધી છે કે તેમનું એકાઉન્ટ હેક કરી દેવામાં આવ્યું છે. આ ઉપરાંત તેમની ગરિમાને નુકસાન પહોંચાડવા માટે તસવીરો લીક કરી દેવામાં આવી છે.
દિલ્હી પોલીસની ક્રાઇમ બ્રાન્ચે આ બાબતે ફરિયાદ મળતા જ આઇટી એક્ટની ધારા 66એ અને આઇપીસીની ધારા 509 અંતર્ગત એક કેસ નોંધ્યો છે. અમૃતાએ પોતાની ફરિયાદમાં આરોપ લગાવ્યો છે કે તેમનું નકલી ફેસબુક અને ટ્વિટર એકાઉન્ટ પણ બનાવવામાં આવ્યું છે. તેમણે આવા નકલી એકાઉન્ટની યાદી પણ સોંપી છે જેના મારફતે આ તસવીરોને શેર કરવામાં આવી છે.
આ મુદ્દે એક વરિષ્ઠ પોલીસ અધિકારીએ જણાવ્યું કે 'અમે તમામ સોશિયલ નેટવર્કિંગ સાઇટ્સ પરથી આપત્તિજનક તસવીરો દૂર કરવાનો આગ્રહ આગળ મોકલી આપ્યો છે.' ઉલ્લેખનીય છે કે અમૃતા અને કોંગ્રેસના વરિષ્ઠ નેતા દિગ્વિજય સિંહની અંગત તસવીરો સોશિયલ નેટવર્કિંગ મીડિયા પર આવ્યા બાદ વિવાદ ઉભો થયો હતો. જેના પગલે 67 વર્ષીય નેતા દિગ્વિજય સિંહે પોતાના સંબંધનો સ્વીકાર કર્યો હતો.
Click it and Unblock the Notifications
Sign in with Google
