પોન્ટી ચઢ્ઢા હત્યાકાંડમાં વધુ ચારની ધરપકડ

નવીદિલ્હી, 20 નવેમ્બરઃપોન્ટી ચઢ્ઢા અને તેમના ભાઇ હરદીપ હત્યાકાંડમાં પોલીસે ઉત્તરપુરમાં તેમના ફાર્મહાઉસમાં ઘુસવાના આરોપસર ચાર લોકોની ધરપકડ કરી છે. આ સાથે આ મામલે ઘરપકડ કરાયેલા લોકોની સખ્યાં છ થઇ ગઇ છે. છત્તરપુરના આ ફાર્મહાઉસમાં શનિવારે 17 નવેમ્બર 2012ને દારૂના વ્યાપારી પોન્ટી અને તેના ભાઇની ગોળીમારીને હત્યા કરવામાં આવી હતી. પોલીસે જણાવ્યા પ્રમાણે ધરપકડ કરવામાં આવેલા લોકોમાં પોન્ટી ચઢ્ઢાનો અંગત સુરક્ષાકર્મી પણ છે.

જો કે, બન્નેની હત્યાના મામલે હજુ સુધી કોઇની અધિકૃત ધરપકડ કરવામાં આવી નથી. પોલીસ હજુ પણ હત્યાની કડીઓ જોડવામાં લાગેલી છે, જેનાથી જાણી શકાય કે આખરે ગોળીબાર થયો શા માટે. પોલીસે જણાવ્યા પ્રમાણે શૂટઆઉટ થયુ તે દિવસે સવારે છત્તરપુરના ફાર્મહાઉસથી થોડેક દૂર આવેલા બીજા ફાર્મહાઉસમાં પણ બન્ને વચ્ચે ટકરાવ થયો હતો.

પોલીસે જણાવ્યા પ્રમાણે પોન્ટીના લોકોએ હરદીપના સમર્થકોને દિલ્હીના કાપાસેડામાં બનેલા ફાર્મહાઉસમાંથી બહાર કાઢવાનો પ્રયત્ન કર્યો હતો, આ મામલે બે લોકોની ધરપકડ કરવામાં આવી છે.

English summary

The Delhi Police on Tuesday arrested four aides of slain liquor baron Ponty Chadha for trespassing into the farmhouse where Ponty and his brother Hardeep allegedly killed each other.