પંજાબ સરકારે નોંધાવ્યો ઐતિહાસિક રેકૉર્ડ, પહેલા જ દિવસે એક લાખથી વધુ PSEB થયા દાખલ
પંજાબ શાળા શિક્ષણ વિભાગ દ્વારા શુક્રવારે જ પ્રવેશ વધારવાની ઝુંબેશ શરૂ કરવામાં આવી છે અને પ્રથમ દિવસે જ એક લાખથી વધુ પ્રવેશ નોંધાયા હતા.
પંજાબના શાળા શિક્ષણ વિભાગે એક જ દિવસમાં એક લાખથી વધુ પ્રવેશનો ઐતિહાસિક રેકોર્ડ નોંધાવ્યો છે. શાળા શિક્ષણ વિભાગ દ્વારા શુક્રવારે જ પ્રવેશ વધારવાની ઝુંબેશ શરૂ કરવામાં આવી છે અને પ્રથમ દિવસે જ એક લાખથી વધુ પ્રવેશ નોંધાયા હતા. પંજાબના શાળા શિક્ષણ મંત્રી હરજોત સિંહ બેન્સે જણાવ્યું હતું કે પ્રવેશ ઝુંબેશના પ્રથમ દિવસે (તારીખ 10 માર્ચ, 2023) પંજાબ રાજ્યની સરકારી શાળાઓમાં એક લાખ નવા વિદ્યાર્થીઓની નોંધણી કરવાનો લક્ષ્યાંક રાખવામાં આવ્યો હતો, જે હાંસલ કરવામાં આવ્યો છે. આ અભિયાન સવારે 8 વાગ્યાથી રાત્રે 10 વાગ્યા સુધી ચાલ્યું હતું. આ દરમિયાન 1,00,298 એડમિશન થયા હતા.
શિક્ષણ મંત્રીએ કહ્યું કે રાજ્યમાં પ્રવેશ અભિયાનમાં એટલો ઉત્સાહ જોવા મળ્યો કે વિભાગની વેબસાઈટ પણ ડાઉન થઈ ગઈ હતી, જેના કારણે મોડી રાત સુધી પ્રવેશ સંબંધિત કામગીરી ચાલુ રહી હતી. તેમણે જણાવ્યું કે એડમિશન ઝુંબેશ દરમિયાન મોટા પાયે વિદ્યાર્થીઓએ ખાનગી શાળાઓમાંથી નામ કપાત કરીને સરકારી શાળાઓમાં પ્રવેશ મેળવ્યો હતો.
તેમણે જણાવ્યું કે ફતેહગઢ સાહિબમાં લક્ષ્યાંક સામે 134.6 ટકા પ્રવેશ થયા છે, જ્યારે ફિરોઝપુર, બરનાલા, અમૃતસર, ભટિંડા, કપૂરથલા, પટિયાલા, એસ.બી.એસ. નગર, માલેરકોટલા, ફાઝિલ્કા, તરનતારન અને સંગરુર જિલ્લામાં પણ 128.28 ટકાથી 103.44 પ્રવેશ નોંધાયા છે.
બેન્સે જણાવ્યું હતું કે પ્રવેશ અભિયાન માટે લોકો દ્વારા મળેલો જબરજસ્ત પ્રતિસાદ સ્પષ્ટ કરે છે કે ભગવંત માનની આગેવાની હેઠળની પંજાબ સરકાર દ્વારા શિક્ષણ પ્રત્યે અપનાવવામાં આવેલી નીતિને લોકોએ મંજૂરી આપી છે. તેમણે કહ્યું કે આ અભિયાન પંજાબની દરેક સરકારી શાળામાં 31 માર્ચ 2023 સુધી ચાલુ રહેશે.
Click it and Unblock the Notifications
Sign in with Google
