Punjab News: માન સરકારે કરી ઇન્ડસ્ટ્રી એડવાઇઝરી કમિશનની રચના, 26 લોકોની થશે નિમણૂક
Punjab News: પંજાબની ભગવંત માન સરકારે રાજ્યના એકંદર ઔદ્યોગિક વિકાસ અને વેપાર વૃદ્ધિને પ્રોત્સાહન આપવા માટે મોટા પગલાં લીધાં છે. પંજાબ સરકાર ઔદ્યોગિક વિકાસ અને વેપાર વૃદ્ધિને પ્રોત્સાહન આપવા માટે 26 ક્ષેત્રો માટે ઉદ્યોગ સલાહકાર પંચની રચના કરી રહી છે.
પંજાબ સરકાર દ્વારા જાહેર કરવામાં આવેલા સત્તાવાર નોટિફિકેશન મુજબ ઇન્ડસ્ટ્રી એડવાઇઝરી કમિશનની રચના બાદ વિવિધ ઔદ્યોગિક ક્ષેત્રો માટે સલાહકારોની નિમણૂક કરવામાં આવશે. દરેક ઇન્ડસ્ટ્રી એડવાઇઝરી કમિશનનું નેતૃત્વ કેબિનેટ મંત્રીના સમકક્ષ દરજ્જા સાથે સંબંધિત ઔદ્યોગિક ક્ષેત્રના પ્રતિષ્ઠિત વ્યક્તિત્વ દ્વારા કરવામાં આવશે. ઔદ્યોગિક સલાહકાર આયોગના પ્રતિનિધિઓની પંજાબ સરકાર દ્વારા નિમણૂક કરવામાં આવશે.
ઈન્ડસ્ટ્રીયલ એડવાઈઝરી કમિશનની રચના બાદ 26 સેક્ટરમાં ઈન્ડસ્ટ્રી એડવાઈઝરની નિમણૂંક કરવામાં આવશે. ઉદ્યોગ સલાહકાર આયોગના અધ્યક્ષની જવાબદારી રહેશે કે, તે સંબંધિત ઔદ્યોગિક ક્ષેત્રની જવાબદારી જે તે ઉદ્યોગ સાથે સંબંધિત કોઈ પ્રખ્યાત વ્યક્તિને આપે.
ઉલ્લેખનીય છે કે, દિલ્હીની અરવિંદ કેજરીવાલ સરકારે પહેલાથી જ દિલ્હીમાં ઈન્ડસ્ટ્રીયલ એડવાઈઝરી કમિશનની રચના કરી છે. દિલ્હીના સંસદીય સચિવ આવી બાબતોનું ધ્યાન રાખે છે. દિલ્હીની આમ આદમી પાર્ટીની સરકારની તર્જ પર પંજાબ સરકારે રાજ્યમાં ઔદ્યોગિક વિકાસ સલાહકાર આયોગની રચના કરવાનો નિર્ણય લીધો છે.
પંજાબ સરકારે રાજ્યમાં ઔદ્યોગિક વિકાસ અને વેપારને પ્રોત્સાહન આપવાના ઉદ્દેશ્ય સાથે આ કમિશનની રચના કરવાનો નિર્ણય લીધો છે. આ સલાહકાર આયોગનું કામ ઔદ્યોગિક વિસ્તારો માટે વ્યૂહરચના અને નિયમો બનાવવાનું રહેશે અને તેનું પાલન થઈ રહ્યું છે કે, નહીં તેની પણ દેખરેખ રાખવાની રહેશે.
પંજાબના કાપડ ઉદ્યોગ, મશીન ટૂલ્સ ઉદ્યોગ, રમતગમતનો સામાન ઉદ્યોગ, ફૂડ પ્રોસેસિંગ ઉદ્યોગ, ચોખા મિલીંગ અને પ્રક્રિયા ઉદ્યોગ, સાયકલ ઉદ્યોગ, ઈ-બાઈક ઉદ્યોગ, ફાર્માસ્યુટિકલ્સ ઉદ્યોગ, સ્ટીલ મેટલ પ્રોડક્ટ્સ ઉદ્યોગ, ઓટો કમ્પોનન્ટ ઉદ્યોગ, ઈલેક્ટ્રોપ્લેટિંગ અને કૃષિ મશીનરી ઉદ્યોગ માટે ઔદ્યોગિક સલાહકાર પંચની રચના કરવામાં આવશે. ઈલેક્ટ્રોનિક્સ ઈન્ડસ્ટ્રી, આઈટી, પેપર ઈન્ડસ્ટ્રી, હોટેલ ઈન્ડસ્ટ્રી, પ્લાસ્ટિક ઈન્ડસ્ટ્રી, લોજિસ્ટિક્સ ઈન્ડસ્ટ્રી, રિટેલ ઈન્ડસ્ટ્રી, હેલ્થ કેર અને ટુરિઝમ સેક્ટર માટે પણ આ એડવાઈઝરી કમિશનની રચના કરવામાં આવશે.
Click it and Unblock the Notifications
Sign in with Google
