Punjab News : માન સરકારે શરૂ કરી પેપરલેસ એસેમ્બલી, મંત્રીઓ અને ધારાસભ્યોને અપાશે ટ્રેનિંગ
Punjab News : પંજાબના મુખ્યમંત્રી ભગવંત માન સરકારે આ વખતે વિધાનસભાને પેપરલેસ બનાવવાની શરૂઆત કરી છે. વિધાનસભાને પેપરલેસ બનાવવા માટે આજથી બે દિવસીય તાલીમ વર્કશોપનું આયોજન કરવામાં આવ્યું છે. આ તાલીમ સત્રમાં પંજાબના મંત્રીઓ, ધારાસભ્યો અને અધિકારીઓ હાજર રહ્યા હતા.
આ ટ્રેનિંગ સેશનની શરૂઆત કરતી વખતે પંજાબના મુખ્યમંત્રી ભગવંત માને પણ મીડિયા સાથે માહિતી શેર કરી હતી. આ સમય દરમિયાન, CM માને રાષ્ટ્રીય ઇ-વિધાન એપ્લિકેશન પણ લોન્ચ કરી છે. ઉલ્લેખનીય છે કે, મુખ્યમંત્રી માને વિધાનસભા ડિજિટલ થવા બદલ તમામને અભિનંદન પણ પાઠવ્યા હતા.
આ દરમિયાન બોલતા CM માને જણાવ્યું હતું કે, જ્યારે તેઓ સાંસદ હતા, ત્યારે તેમણે વિચાર્યું હતું કે, જ્યારે પણ તેમને તક મળશે, ત્યારે તેઓ પંજાબ વિધાનસભાને ડિજિટલાઇઝ કરશે અને આજે તે દિવસ આવી ગયો છે. બોલતા CM માને જણાવ્યું હતું કે, હવે વિધાનસભાની
કાર્યવાહી વેબ પર પણ પ્રસારિત કરવામાં આવશે.
ઉલ્લેખનીય છે કે, પંજાબ સરકારે પહેલા જ વિધાનસભા સત્રને લાઈવ કરી દીધું હતું, પરંતુ હવે તે એક પગલું આગળ વધી રહ્યું છે.
CM માને જણાવ્યું હતું કે, સમય સાથે આગળ વધવું ખૂબ જ મહત્વપૂર્ણ છે અને પંજાબ હંમેશા નવી ટેક્નોલોજી ઝડપથી અપનાવે છે. હવે વિધાનસભાના સભ્યો તેમના પ્રશ્નો અને જવાબો સ્ક્રીન પર જોઈ શકશે.
આ દરમિયાન બોલતા CM માને જણાવ્યું હતું કે, તેઓ ખૂબ જ ખુશ છે કે હવે વિધાનસભામાં સમગ્ર કામ ડિજિટલી થશે. આ દરમિયાન પંજાબ વિધાનસભાના અધ્યક્ષ કુલતાર સિંહ સંધવાને વિધાનસભા પેપરલેસ બનવા પર ખુશી વ્યક્ત કરી હતી. આ નિર્ણયથી ઘણા કાગળની બચત થશે.
મીડિયા રિપોર્ટ્સ અનુસાર, પંજાબ સરકારે તમામ ધારાસભ્યોના ટેબલ પર ટેબલેટ લગાવવાની પ્રક્રિયા પૂર્ણ કરી લીધી છે, જેના કારણે હવે ગૃહની કાર્યવાહી ઓનલાઈન થશે. એટલું જ નહીં, બે દિવસીય વર્કશોપમાં તમામ ધારાસભ્યોને નવી ઓનલાઈન સિસ્ટમ, ડિજિટલ વર્ક કંડક્ટ અને અન્ય પ્રોજેક્ટ વિશે માહિતી આપવામાં આવશે.
Click it and Unblock the Notifications
Sign in with Google
