બીજેપી સાંસદની અપમાનજનક ટિપ્પણી બાદ રાહુલ ગાંધીએ દાનિશ અલી સાથે મુલાકાત કરી
સંસદની ગરિમાને નેવે મુકીને અપમાનજનક શબ્દો માટે બોલનારા બીજેપી સાંસદ રમેશ બિધુરી પર થુ થુ થઈ રહી છે. આ ઘટનાક્રમ બાદ રાહુલ ગાંધીએ અપમાન સહન કરનારા સાંસદ દાનિલ અલી સાથે મુલાકાત કરી હતી.
સાંસદ રાહુલ ગાંધીએ યુપીના અમરોહાથી બસપા સાંસદ દાનિશ અલીને તેમના દિલ્હીના નિવાસસ્થાને મુલાકાત કરી હતી. રાહુલ ગાંધી દાનિશ અલીને ગળે લગાવતા જોવા મળ્યા હતા.
આ દરમિયાન રાહુલ ગાંધી સાથે કેસી વેણુગોપાલ પણ હાજર હતા. બેઠક બાદ રાહુલ ગાંધીએ કહ્યું કે આ નફરતના બજારમાં પ્રેમની દુકાન છે.
આ મીટિંગ વાયરલ ક્લિપ પરના વિવાદ વચ્ચે થઈ. આ ક્લિકમાં બીજેપી સાંસદ રમેશ બિધુરી લોકસભાની કાર્યવાહી દરમિયાન દાનિશ અલીને સાંપ્રદાયિક અપશબ્દો બોલતા જોવા મળી રહ્યા છે.
રાહુલ ગાંધીને મળ્યા બાદ બસપા સાંસદ દાનિશ અલીએ જણાવ્યુ કે, તે મારું મનોબળ ઉંચુ રાખવા અને સમર્થન આપવા અહીં આવ્યા છે. તેમણે કહ્યું કે હું એકલો નથી અને જે લોકો લોકશાહી સાથે ઉભા છે તે બધા મારી સાથે ઉભા છે.
જણાવી દઈએ કે, લોકસભાની કાર્યવાહી દરમિયાન બીજેપી સાંસદ રમેશ બિધુરીએ BSP સાંસદ દાનિશ અલી વિશે અપમાનજનક ટિપ્પણી કરી હતી. ગૃહમાં સંબોધન કરતાં તેમણે દાનિસ અલીને ઉગ્રવાદી કહીને સંબોધન કર્યુ. અહીં બિધુરીએ દાનિસ અલીને આતંકવાદી પણ કહી દીધા.
નફરત ફેલાવવા માટે જાણીતી બીજેપીના બીજા મોટા નેતા હર્ષવર્ધન તેમના નિવેદનથી સહમત હોય તેમ હસતા જોવા મળ્યા હતા. હવે દાનિસ અલી સહિતના સાંસદોએ વિશેષાધિકાર કાર્યવાહીની માંગ કરી છે.
સાંસદ દાનિશ અલીએ આ મામલે લોકસભા અધ્યક્ષ પાસે કાર્યવાહીની માંગ કરી હતી. સાંસદે લોકસભા સ્પીકરને પત્ર લખીને મામલો વિશેષાધિકાર સમિતિને મોકલવાની માંગ કરી હતી. તેમણે કહ્યું છે કે જો ન્યાય નહીં મળે તો તે સંસદ છોડી દેશે.
Click it and Unblock the Notifications
Sign in with Google
