રાહુલ ગાંધીએ અરુણ જેટલીને યાદ અપાવી રાફેલ પર JPCની ડેડલાઈન, કહ્યું- 6 કલાક જ રહ્યા

બુધવારે રાહુલ ગાંધીએ નાણામંત્રીને સંસદીય સમિતિના ગઠનની માંગણી કરી 24 કલાકમાં તેનો જવાબ આપવાની ચેલેન્જ આપી હતી.

રાફેલ ડીલ પર બુધવારે નાણામંત્રી અરુણ જેટલીએ રાહુલ ગાંધી પર કરેલી ટિપ્પણી બાદ કોંગ્રેસના અધ્યક્ષ રાહુલ ગાંધી સતત પલટવાર કરી રહ્યા છે. બુધવારે રાહુલ ગાંધીએ નાણામંત્રીને સંસદીય સમિતિના ગઠનની માંગણી કરી 24 કલાકમાં તેનો જવાબ આપવાનો પડકાર ફેંક્યો હતો. જે બાદ ગુરુવારે રાહુલ ગાંધીએ અરુણ જેટલીને યાદ અપાવ્યું કે એમના સવાલોના જવાબ આપવામાં 6 કલાક જ બાકી રહ્યા છે.

Dear Mr Jaitley,

Less than 6 hrs left for your deadline on the #Rafale JPC to run out.

Young India is waiting. I hope you're busy convincing Modi Ji and Anil Ambani Ji about why they should listen to you & approve this! @ArunJaitley

— Rahul Gandhi (@RahulGandhi) August 30, 2018

રાહુલ ગાંધીએ ટ્વીટ કર્યું

રાહુલ ગાંધીએ ટ્વીટ કરીને કહ્યું કે "ડિયર જેટલીજી રાફેલની જેપીસીથી તપાસ પર જવાબ આપવા માટે આપવામાં આવેલ તમારી ડેડલાઈન ખતમ થવામાં 6 કલાક જ બાકી રહ્યા છે. યંગ ઈન્ડિયા રાહ જોઈ રહ્યું છે. મને આશા છે કે તમે મોદીજી અને અનિલ અંબાણીને એ સમજાવવામાં વ્યસ્ત હશો કે આખરે એમણે તમારી વાત શા માટે સાંભળવી જોઈએ અને તેની મંજૂરી આપવી જોઈએ."

24 કલાકમાં જવાબ આપો

અગાઉ બુધવારે રાહુલ ગાંધીએ ટ્વીટ કરીને કહ્યું હતું કે 'મિસ્ટર જેટલી, રાફેલ રૉબરી પર દેશનું ધ્યાન લાવવા માટે ધન્યવાદ! શું રાફેલ ડીલની તપાસ જેપીસી પાસે કરાવવી જોઈએ? પરંતુ સમસ્યા એ છે કે તમારા સુપ્રીમ લીડર પોતાના મિત્રોને બચાવી રહ્યા છે. માટે આ તપાસ એમના માટે અસુવિધાજનક હોય શકે છે. 24 કલાકમાં જવાબ આપો, અમે રાહ જોઈ રહ્યા છીએ.'

અમિત શાહે આપ્યો જવાબ

English summary

Rahul Gandhi reminds Arun Jaitley about the Rafale JPC deadline