Rain Update: આવતા ચાર દિવસ આ રાજ્યોમાં વરસાદની સંભાવના!
દેશના કેટલાક રાજ્યોમાં છેલ્લા ઘણા દિવસોથી ભારે વરસાદ પડી રહ્યો છે. વરસાદના કારણે ડુંગરાળ વિસ્તારોમાં ભૂસ્ખલનની ઘટનાઓમાં નોંધપાત્ર વધારો થયો છે અને નદીઓમાં પણ પુરની સ્થિતી છે.
દેશના કેટલાક રાજ્યોમાં છેલ્લા ઘણા દિવસોથી ભારે વરસાદ પડી રહ્યો છે. વરસાદના કારણે ડુંગરાળ વિસ્તારોમાં ભૂસ્ખલનની ઘટનાઓમાં નોંધપાત્ર વધારો થયો છે અને નદીઓમાં પણ પુરની સ્થિતી છે. ભારતીય હવામાન વિભાગે ઉત્તર પ્રદેશના કટારૌલી, મેરઠ, બાગપત, નજીબાબાદ અને આજુબાજુના વિસ્તારોમાં અલગ-અલગ સ્થળોએ હળવાથી મધ્યમ વરસાદની આગાહી કરી છે. આ સાથે IMD એ આગામી ચાર દિવસો એટલે કે 28 થી 31 ઓગસ્ટ દરમિયાન ઉત્તર-પશ્ચિમ ભારતના બાકીના વિસ્તારોમાં હળવાથી મધ્યમ વરસાદની આગાહી પણ કરી છે.
હવામાન વિભાગે 31 ઓગસ્ટ સુધી ઘણા રાજ્યોમાં ભારે વરસાદની આગાહી કરી છે. વિગતવાર આગાહીમાં હવામાન વિભાગે કહ્યું છે કે, આગામી દિવસોમાં ઓડિશા, આંધ્રપ્રદેશ, તેલંગાણા, છત્તીસગઢ, ઝારખંડ, મધ્યપ્રદેશ, ગુજરાત અને મહારાષ્ટ્રમાં વરસાદની સંભાવના છે.
IMD એ કહ્યું કે 27 થી 29 દરમિયાન ઓડિશા, આંધ્ર પ્રદેશના અલગ ભાગોમાં ભારે વરસાદની સંભાવના છે. 27 થી 31 દરમિયાન તેલંગાણા, છત્તીસગઢ અને ઝારખંડમાં વરસાદની આગાહી છે. વિદર્ભ અને મધ્યપ્રદેશમાં 28 થી 29 ઓગસ્ટ સુધી વરસાદ પડી શકે છે. ગુજરાતમાં 29 થી 31 ઓગસ્ટ સુધી વરસાદની સંભાવના છે. મરાઠાવાડામાં 30 થી 31 ઓગસ્ટ સુધી વરસાદની સંભાવના છે. તે જ સમયે, IMD એ 31 ઓગસ્ટે ઉત્તર કોંકણ અને ઉત્તર મધ્ય મહારાષ્ટ્રમાં ભારે વરસાદની આગાહી કરી છે.
હવામાન વિભાગ અનુસાર આગામી 3 દિવસ દરમિયાન દરિયાકાંઠા અને દક્ષિણ આંતરિક કર્ણાટક, તમિલનાડુ, કેરળ અને માહેમાં ભારે વરસાદની સંભાવના છે. આ સ્થિતી 29 ઓગસ્ટ સુધી ઉત્તરાખંડ, બિહાર અને પૂર્વ ઉત્તર પ્રદેશમાં અલગ વરસાદ સાથે ચાલુ રહે તેવી શક્યતા છે. આગામી 24 કલાક દરમિયાન ઉત્તરાખંડ અને પૂર્વ ઉત્તર પ્રદેશમાં ભારેથી અતિ ભારે વરસાદની સંભાવના છે.