Ram mandir Inauguration: રામ લલ્લાના પ્રાણ પ્રતિષ્ઠા બાદ કેવી રીતે થશે પ્રવેશ, દર્શન, આરતી, જાણો અહી
Ayodhya Ram Mandir: રામભૂમિ અયોધ્યા સહિત સમગ્ર દેશ રામ લલાના પ્રાણ પ્રતિષ્ઠાની રાહ જોઈ રહ્યો છે. 22મી જાન્યુઆરીએ બપોરે નવનિર્મિત મંદિરમાં રામ લલાની પ્રાણ પ્રતિષ્ઠા કરવામાં આવશે. આ દિવસે દેશભરમાંથી અધ્યાત્મ, સિનેમા, રમતગમત, વિજ્ઞાન અને રાજકારણ સાથે જોડાયેલા લોકો કાર્યક્રમમાં ભાગ લેશે.
આ પહેલા પવિત્ર શહેરને ભવ્ય અને દિવ્ય બનાવવામાં આવી રહ્યું છે. મંદિર તરફ જતા રસ્તા અને અહીના ચાર રસ્તાઓને ખૂબ જ આકર્ષક રીતે સજાવવામાં આવી રહ્યા છે. ભગવાનનો દરબાર 23 જાન્યુઆરીથી સામાન્ય જનતા માટે ખુલશે.
22 જાન્યુઆરીએ અયોધ્યાના નવા મંદિરમાં ભગવાન રામના બાળ સ્વરૂપ એટલે કે રામ લલાને પવિત્ર કરવામાં આવશે. આ માટેની વૈદિક વિધિ મુખ્ય સમારોહના એક સપ્તાહ પહેલા 16 જાન્યુઆરીએ શરૂ થશે. 16 જાન્યુઆરીના રોજ, મંદિર ટ્રસ્ટ દ્વારા નિયુક્ત યજમાન પ્રાયશ્ચિત સમારોહનું આયોજન કરશે. આ ઉપરાંત સરયુ નદીના કિનારે 'દશવિધ' સ્નાન થશે જેમાં વિષ્ણુ પૂજા અને ગોદાન જેવી ધાર્મિક વિધિઓ પણ સામેલ હશે.
રામ મંદિરના પ્રાણ પ્રતિષ્ઠા માટે 22 જાન્યુઆરીની તારીખ નક્કી કરવામાં આવી છે. આ વિશેષ અનુષ્ઠાન કાશીના વૈદિક વિદ્વાનો દ્વારા શ્રી રામ જન્મભૂમિ સંકુલમાં કરવામાં આવશે. પ્રાણ પ્રતિષ્ઠા પહેલા સવારે રામલલાની મૂર્તિની પૂજા કરવામાં આવશે, ત્યારબાદ બપોરે 12:15થી 12:45 દરમિયાન ભગવાન રામને નવનિર્મિત મંદિરના ગર્ભગૃહમાં સ્થાપિત કરવામાં આવશે. રામ લલ્લાની મૂર્તિની પીએમ મોદી દ્વારા પ્રાણ પ્રતિષ્ઠા કરવામાં આવશે.
રામ મંદિરની પ્રાણ પ્રતિષ્ઠા ભારતની સૌથી મોટી ધાર્મિક વિધિ હશે. આવી સ્થિતિમાં મંદિર અને દર્શનાર્થીઓની સુરક્ષાને ધ્યાનમાં રાખીને ત્રણ વાગ્યા સુધી મંદિરમાં દર્શન બંધ રહેશે. એટલે કે 20 જાન્યુઆરીથી 22 જાન્યુઆરી સુધી સામાન્ય લોકો મંદિરમાં જઈ શકશે નહીં. પરંતુ 22 જાન્યુઆરીએ રામ લલ્લાના પ્રાણ પ્રતિષ્ઠા બાદ 23 જાન્યુઆરીથી દરેકને મંદિરમાં દર્શન કરવાની છૂટ આપવામાં આવશે.
પ્રાણ પ્રતિષ્ઠા 22 જાન્યુઆરી 2024ના રોજ થશે. પરંતુ તેની શરૂઆત 16મી જાન્યુઆરીના રોજ સરયૂના નૌકાયાનથી થશે. પ્રાણ પ્રતિષ્ઠા વિધિ 17 જાન્યુઆરીએ ગણેશ પૂજા સાથે શરૂ થશે. 22 જાન્યુઆરીએ ભગવાનની મૂર્તિની સ્થાપના કરવામાં આવશે અને રામલલાની પ્રથમ આરતી વડાપ્રધાન નરેન્દ્ર મોદી દ્વારા કરવામાં આવશે.
રામ મંદિરનો પ્રવેશદ્વાર સિંહ દ્વાર છે. અહીંથી પ્રવેશ્યા બાદ ગર્ભગૃહમાં જવા માટે 32 સીડીઓ ચઢવી પડશે. રામલલા મંદિરમાં 30 ફૂટના અંતરથી જોઈ શકાય છે.
રામલલાના પ્રાણ પ્રતિષ્ઠા પહેલા જ રામ મંદિરમાં આરતી માટે બુકિંગ શરૂ થઈ ગયું છે. મંદિરમાં દિવસમાં ત્રણ વખત આરતી કરવામાં આવે છે. પ્રથમ આરતી સવારે 6:30 કલાકે, બીજી 12:00 કલાકે અને ત્રીજી આરતી સાંજે 7:30 કલાકે કરવામાં આવે છે. રામલલાની આરતીમાં પ્રવેશવા માટે પાસની પણ જરૂર પડશે, જે શ્રી રામ જન્મભૂમિ તીર્થ ક્ષેત્ર ટ્રસ્ટ દ્વારા જાહેર કરવામાં આવશે.
રામ મંદિરની આરતીમાં હાજરી આપવા માટે ઓનલાઈન માધ્યમથી બુકિંગ થઈ રહ્યું છે. આ માટે, ભક્તોએ ટ્રસ્ટની સત્તાવાર વેબસાઇટ પર જવું પડશે અને નીચે આપેલા પગલાંને અનુસરીને, આરતી માટે બુકિંગ માટેની અરજી પ્રક્રિયા પૂર્ણ કરી શકાય છે.
- શ્રી રામ જન્મભૂમિ તીર્થ ક્ષેત્ર ટ્રસ્ટ srjbtkshetra.orgની સત્તાવાર વેબસાઇટની મુલાકાત લો.
- તમારો મોબાઇલ નંબર દાખલ કરો અને OTP દ્વારા લૉગ ઇન કરો. 'આરતી' વિભાગ પર ક્લિક કરો.
- તમે હાજરી આપવા માંગો છો તે તારીખ, આરતીનો પ્રકાર પસંદ કરો.
- તમારું નામ, સરનામું, ફોટો, મોબાઈલ નંબર દાખલ કરો.
- નજીકના મંદિરના કાઉન્ટર પરથી પાસ મેળવો.
Click it and Unblock the Notifications
Sign in with Google
