કેદારનાથમાં પ્રપોઝ કરનારા કપલ વિરૂદ્ધ કાર્યવાહીથી રવિના ટંડન ભડકી, જાણો શું કહ્યું?

આ દિવસોમાં કેદારનાથમાં પ્રપોઝ કરનારી યુવતી અને તેનો બોયફ્રેન્ડ સોશિયલ મીડિયા પર ચર્ચામાં છે. આ કપલનો પ્રેમ જોઈને કેદારનાથ પ્રસાશનને વાંધો પડ્યો છે અને ફરિયાદ નોંધાઈ છે ત્યારે હવે આ મુદ્દે રવિના ટંડન કપલના સમર્થનમાં આવી છે.

આ વીડિયો વાયરલ થયા બાદ સોશિયલ મીડિયા પર લોકો તેને ધાર્મિક આસ્થા સાથે જોડી રહ્યા છે. લોકો જણાવી રહ્યા છે કે કેદારનાથ ધામ એક પવિત્ર સ્થળ છે અને તે આ બધું કરવા માટેનું સ્થાન નથી. હવે અભિનેત્રી રવિના ટંડને આ અંગે પોતાની પ્રતિક્રિયા આપી છે.

આ કપલ વિરુદ્ધ ફરિયાદ નોંધવામાં આવી છે અને પોલીસ ટૂંક સમયમાં જ બંને વિરુદ્ધ કડક કાર્યવાહી કરવાની છે ત્યારે રવિના ટંડને ખુલ્લેઆમ આ કપલનું સમર્થન કર્યું છે. એક ઇન્સ્ટાગ્રામ સ્ટોરીમાં રવિના ટંડને લખ્યુ કે, આપણા ભગવાન ક્યારે પ્યાર અથવા તેના ભક્તોની વિરુદ્ધ થઈ ગયા? જે તેમના આશીર્વાદ લઈને આ ક્ષણને પવિત્ર કરવા માંગે છે.

રવિનાએ કહ્યું કે, કદાચ પશ્ચિમી રીત અને તેની સંસ્કૃતિ અનુસાર પ્રપોઝ કરવું હવે સલામત છે. ફૂલો, મીણબત્તીઓ અને ચોકલેટ. ખૂબ જ દુખજ! આ કાર્યવાહી તે લોકો વિરુદ્ધ કરવામાં આવી રહી છે જે ફક્ત તેમના સંબંધો માટે આશીર્વાદ લેવા માંગતા હતા.

જણાવી દઈએ કે આ વીડિયો વાયરલ થયા બાદ બદ્રીનાથ-કેદારનાથ મંદિર સમિતિએ વાંધો ઉઠાવતા પોલીસને પત્ર લખ્યો હતો. આ પત્રમાં મંદિરના પરિસરમાં વીડિયો બનાવનાર લોકો સામે કાર્યવાહી કરવાની માંગ કરી હતી. પત્રમાં કહેવાયુ છે કે, આ સ્થાન ધાર્મિક માન્યતાઓ સાથે જોડાયેલું છે, તેથી પવિત્ર સ્થાન પર તેની નકારાત્મક અસર પડે છે.

English summary

Raveena Tandon was angered by the action against the couple who proposed in front of the Kedarnath temple