પીએમ મોદીને લઇ બોલી મમતા બેનરજી- તમે આરામ કરો, માં થી વધારે કઇ નથી

માતા હીરાબાના અવસાનને કારણે પીએમ મોદીએ ગાંધીનગરથી વીડિયો કોન્ફરન્સિંગ દ્વારા વર્ચ્યુઅલ રીતે કાર્યક્રમોમાં હાજરી આપવી પડી હતી. પીએમ મોદીએ વીડિયો કોન્ફરન્સિંગ દ્વારા અનેક રેલવે પ્રોજેક્ટનું ઉદ્ઘાટન કર્યું.

Published: Friday, December 30, 2022, 14:57 [IST]

વડા પ્રધાન નરેન્દ્ર મોદીએ તેમની માતા હીરાબા મોદીના અંતિમ સંસ્કાર કર્યાના કલાકો પછી, સાતમી વંદે ભારત એક્સપ્રેસ શુક્રવારે (30 ડિસેમ્બર) ના રોજ ફ્લેગ ઓફ કરવામાં આવી હતી. પીએમ નરેન્દ્ર મોદી આજે રેલ્વે સહિત અનેક વિકાસલક્ષી પરિયોજનાઓનું ઉદ્ઘાટન કરવા પશ્ચિમ બંગાળની મુલાકાતે જવાના હતા. પરંતુ આજે સવારે માતા હીરાબાના અવસાનને કારણે પીએમ મોદીએ ગાંધીનગરથી વીડિયો કોન્ફરન્સિંગ દ્વારા વર્ચ્યુઅલ રીતે કાર્યક્રમોમાં હાજરી આપવી પડી હતી. પીએમ મોદીએ કોલકાતામાં રિમોટ બટન દબાવીને વીડિયો કોન્ફરન્સિંગ દ્વારા અનેક રેલવે પ્રોજેક્ટનું ઉદ્ઘાટન કર્યું. આ દરમિયાન પીએમ મોદીના કામ કરવાના સંકલ્પને જોઈને કાર્યક્રમમાં હાજર રહેલા પશ્ચિમ બંગાળના મુખ્યમંત્રી મમતા બેનર્જીએ તેમને થોડો આરામ કરવાની સલાહ આપી હતી. જણાવી દઈએ કે પીએમ મોદીની માતાના નિધનને કારણે આ કાર્યક્રમ અણધાર્યો બની ગયો હતો.

મમતા બેનરજીએ કહ્યું- આદરણીય વડાપ્રધાન, માં થી વધારે કઇ નથી

પશ્ચિમ બંગાળના મુખ્ય પ્રધાન મમતા બેનર્જીએ હાવડામાં એક કાર્યક્રમ દરમિયાન હીરાબાના મૃત્યુ પર શોક વ્યક્ત કર્યો હતો જેમાં પીએમ મોદીએ વીડિયો કોન્ફરન્સિંગ દ્વારા હાજરી આપી હતી. મમતા બેનર્જીએ કહ્યું, "આદરણીય વડા પ્રધાન નરેન્દ્ર મોદીજી, આજનો દિવસ દુઃખદ છે... હું ભગવાનને પ્રાર્થના કરું છું કે ભગવાન તમને શક્તિ આપે અને તમને આશીર્વાદ આપે જેથી તમે તમારા કાર્યો અને પ્રવૃત્તિઓથી તમારી માતાને હંમેશા ખુશ કરતા રહો."''

તમે આરામ કરો

પશ્ચિમ બંગાળના મુખ્યમંત્રી મમતા બેનર્જીએ કહ્યું, "સર, હું તમારો આભાર વ્યક્ત કરું છું કારણ કે તમે આજે પશ્ચિમ બંગાળ આવવાના હતા. પરંતુ તમારી માતાના દુઃખદ અવસાનને કારણે તમે પહોંચી શક્યા નથી. વિનંતી કે આ કાર્યક્રમ ટુંકાવવો જોઈએ. તમે અગ્નિસંસ્કારથી આવો છો, કૃપા કરીને આરામ કરો....

તમારી માં એ મારી માં: મમતા બેનરજી

પશ્ચિમ બંગાળના મુખ્યમંત્રી મમતા બેનર્જીએ વધુમાં કહ્યું, "પશ્ચિમ બંગાળના લોકો વતી હું આ દુઃખદ દિવસે પણ આવવા બદલ તમારો ખૂબ ખૂબ આભાર માનું છું. તમારી માતા અમારી પણ માતા છે. ભગવાન તમને તમારું કામ ચાલુ રાખવાની શક્તિ આપે. સીએમ મમતા બેનર્જીનો આ વીડિયો ટીએમસી દ્વારા તેના સત્તાવાર ટ્વિટર હેન્ડલ પર પણ શેર કરવામાં આવ્યો છે.

બંગાળ ન જઇ શકવાના કારણે પીએમ મોદીએ માંગી માફી

વડાપ્રધાન નરેન્દ્ર મોદીએ કહ્યું કે તેઓ આજે પશ્ચિમ બંગાળ આવવાના હતા પરંતુ અંગત કારણોસર પહોંચી શક્યા નથી. પીએમ મોદીએ આ માટે તમામની માફી માંગી છે. પીએમ નરેન્દ્રએ કહ્યું, "આજે મારે તમને બધાને મળવાનું હતું, પરંતુ અંગત કારણોસર હું તમારા બધાની વચ્ચે આવી શક્યો નથી." આ માટે માફી માંગુ છુ.
પીએમ નરેન્દ્ર મોદીએ કહ્યું કે, આજે મને બંગાળની પવિત્ર ભૂમિને નમન કરવાનો મોકો મળ્યો છે. બંગાળના દરેક કણમાં આઝાદીનો ઈતિહાસ જડાયેલો છે. જે ભૂમિ પરથી 'વંદે માતરમ'નો નારા લગાવવામાં આવ્યો હતો, ત્યાંથી 'વંદે ભારત'ને લીલી ઝંડી આપી હતી.

#WATCH | Kolkata: On behalf of the people of West Bengal, I thank you so much for giving us this opportunity. It's a sad day for you. Your mother means our mother also. May god give you the strength to continue your work, please take some rest: West Bengal CM Mamata Banerjee pic.twitter.com/WVfMkiLDXf
— ANI (@ANI) December 30, 2022

“Your mother is our mother.”

On the demise of Heeraben Modi, Hon’ble Chairperson @MamataOfficial expressed her heartfelt condolences to PM @narendramodi.

She stated that “there is no substitute to a Mother” & wished him strength and courage to endure this great loss. pic.twitter.com/7cLPUBllDj
— All India Trinamool Congress (@AITCofficial) December 30, 2022