90 ટકા ભરાયો સરદાર સરોવર ડેમ, અઢી લાખ ક્યુસેક પાણીની આવક
Sardar Sarovar Dam: ગુજરાતની જીવાદોરી સમાન સરદાર સરોવર નર્મદા ડેમ આજે સવારે એટલે કે 12 ઓગસ્ટના રોજ 90 ટકાથી વધુ ભરાઈ ગયો છે.
સરદાર સરોવર નર્મદા ડેમમાં આજે સવારે 10 વાગ્યે 138.68 મીટરની પૂર્ણ સપાટી સામે 135.70 મીટરના સ્તરે 2.43 લાખ ક્યુસેકથી વધુનો પ્રવાહ હતો.
નદીમાં 1.34 લાખ ક્યુસેક અને કેનાલમાં 18,603 ક્યુસેક આઉટફ્લો નોંધાયો હતો.
ગુજરાત રાજ્યમાં સતત વરસાદને કારણે 49 જળાશયો 100 ટકા ભરાઈ ગયા છે. જ્યારે 13 જળાશયો 90-100 ટકા ભરેલા છે, અને હાઈ એલર્ટ પર છે.
40 ડેમ 70-100 ટકા ભરાઈ ગયા છે, અને એલર્ટ પર છે. 20 ડેમ 50-70 ટકા ભરાઈ ગયા છે, અને ચેતવણી આપવામાં આવી છે. 41 ડેમ 25-50 ટકા ભરેલા છે.
છેલ્લા કેટલાક વર્ષોથી, સરકાર વડાપ્રધાન નરેન્દ્ર મોદીની જન્મ તારીખ એટલે કે 17 સપ્ટેમ્બરના રોજ હાંસલ કરેલ પૂર્ણ સ્તરની જાહેરાત કરે છે.
હવે જોવાનું એ રહેશે કે, ગુજરાત સરકાર આ વર્ષે પણ આવું કરે છે કે કેમ, કારણ કે ગયા વર્ષે ભરૂચમાં આવેલા પૂરને કારણે આવી સ્થિતિ સર્જાઈ હતી, જેનો વિરોધ પક્ષો દ્વારા જોરદાર વિરોધ કર્યો હતો.
સરદાર સરોવર નર્મદા ડેમ ગુજરાતનો સૌથી મોટો ડેમ છે. દક્ષિણ ગુજરાતમાં તાપી નદી પરનો બીજો સૌથી ઉંચો ડેમ ઉકાઈ 1 સપ્ટેમ્બર સુધીના સમયગાળા માટે નિર્ધારિત નિયમ સ્તર લગભગ હાંસલ કરી ચૂક્યો છે.
ઉલ્લેખીય છે કે, ઉકાઈ આજે સવારે 11 કલાકે 31,000 ક્યુસેકથી વધુના પ્રવાહ સાથે 76.38 ટકા ભરાઈ ગયું છે.
Click it and Unblock the Notifications
Sign in with Google
