પુખ્તતાની વય 18 વર્ષ જ રહેશે, ફેરફારની અરજી રદ્દ

નવી દિલ્હી, 17 જુલાઇ : સુપ્રીમ કોર્ટમાં કિશોર ન્યાય કાનૂનમાં ફેરફાર કરવા માટે કરવામાં આવેલી અરજીને રદ કરી દેવામાં આવી છે. સુપ્રીમ કોર્ટે અરજી એવું કહીને રદ્દ કરી દીધી કે હાલના કાનૂનમાં કોઇ ફેરફાર કરવામાં નહી આવે. નિર્ણય અનુસાર પુખ્ત હોવાની ઉંમર 18 વર્ષની જ રહેશે.

અત્રે ઉલ્લેખનીય છે કે અરજીમાં પુખ્ત ગણાવવાની ઉંમર 18થી ઘટાડીને 16 વર્ષની કરી દેવાની માંગ કરવામાં આવી હતી. આ અરજી દિલ્હી ગેંગરેપમાં સામેલ સગીરને ધ્યાનમાં રાખીને દાખલ કરવામાં આવી હતી. જોકે દિલ્હી ગેંગરેપમાં સામેલ સગીર આરોપીની સામે બાળ ન્યાય અધિકારમાં કેસ ચાલી રહ્યો છે. જે અંતર્ગત તેને વધુમાં વધું ત્રણ વર્ષની જ સજા થઇ શકે છે.

જ્યારે જાણકારોનું કહેવું છે કે જે સમયે કોઇ ક્રાઇમ કરે છે, એ વખતની તેની ઉંમર અને માનસિકતાને ધ્યાનમાં રાખતા નિર્ણય લેવામાં આવે છે. જ્યારે અરજીકર્તા આમોદ કંઠના જણાવ્યા અનુસાર ભારતમાં 18 વર્ષથી ઓછી ઉંમરના બાળકો ગૂનો ઓછો કરે છે. બાલિશતામાં બાળક કોઇ ખોટું કામ કરે છે તો પરિવાર તેને બાળક જ ગણે છે.

English summary

The Supreme Court today refused to reduce the age of juvenile from 18 to 16 years and dismissed a plea that minors involved in heinous crimes should not be protected under the law.