Sikkim Election Result 2024 : સિક્કીમમાં SKM ક્લિન સ્વીપ તરફ, બીજેપી-કોંગ્રેસનું ખાતુ ખુલવુ અસંભવ
Sikkim Election Result 2024 : સિક્કીમ વિધાનસભા ચૂંટણીમાં સિક્કીમ ક્રાંતિકારી મોરચા બીજેપી અને કોંગ્રેસ પર ભારી પડતી જોવા મળી રહી છે. અહીં બીજેપી-કોંગ્રેસનું ખાલુ પણ ખુલતુ જોવા નથી મળી રહ્યું.
સિક્કિમમાં વિધાનસભા ચૂંટણીની 32 વિધાનસભા સીટો પર મતગણતરી ચાલી રહી છે. અત્યાર સુધીના વલણો મુજબ, સત્તાધારી સિક્કિમ ક્રાંતિકારી મોરચા સતત બીજી વખત જીત તરફ આગળ વધી રહી છે.
સિક્કિમ ચૂંટણી 2024 દરમિયાન માત્ર SKM અને SDF જ નહીં પરંતુ ભારતીય જનતા પાર્ટી (BJP), કોંગ્રેસ અને સિટિઝન એક્શન પાર્ટી-સિક્કિમ (CAP-S) ના ઉમેદવારો પણ મેદાનમાં હતા.
સિક્કિમ વિધાનસભા ચૂંટણીમાં તમામ 32 બેઠકોના વલણો અનુસાર, SKM 31 બેઠકો પર આગળ છે. જ્યારે SDF એક સીટ પર આગળ છે. ભાજપ અને કોંગ્રેસને એક પણ બેઠક મળે તેવું લાગતું નથી.
રાજ્યમાં 146 અગ્રણી ઉમેદવારો છે, જેમાં સિક્કિમના મુખ્યપ્રધાન પ્રેમ સિંહ તમંગ, તેમની પત્ની કૃષ્ણા કુમારી રાય, ભૂતપૂર્વ મુખ્ય પ્રધાન પવન કુમાર ચામલિંગ અને ભૂતપૂર્વ ભારતીય ફૂટબોલર બાઈચુંગ ભૂટિયાનો સમાવેશ થાય છે.
SKM અને SDF એ તમામ 32 વિધાનસભા બેઠકો પર ઉમેદવારો ઉભા રાખ્યા હતા. જ્યારે ભાજપે 31 અને કોંગ્રેસે 12 બેઠકો પર ઉમેદવારો ઉભા રાખ્યા હતા.
લૂીધાસિક્કિમમાં મતગણતરી સુચારુ રીતે થાય તે માટે ચૂંટણી પંચે સુરક્ષાના કડક પગલાં લીધા છે. અન્ય પૂર્વોત્તર રાજ્ય અરુણાચલ પ્રદેશની વિધાનસભા ચૂંટણીના પરિણામો પણ આજે જાહેર થશે.
ઇન્ડિયા ટુડે-માય એક્સિસ દ્વારા હાથ ધરવામાં આવેલા એક્ઝિટ પોલ મુજબ, SKM કુલ વિધાનસભા બેઠકોમાંથી લગભગ 24-30 બેઠકો સાથે રાજ્યમાં સત્તા જાળવી રાખે તેવી શક્યતા છે. જ્યારે ભાજપ લગભગ 2 બેઠકો જીતે તેવી ધારણા છે. સિક્કિમ વિધાનસભા ચૂંટણી 2024માં વિરોધ પક્ષ એસડીએફ સહિત અન્ય પક્ષો 0-6 બેઠકો જીતી શકે છે.
Click it and Unblock the Notifications
Sign in with Google
