વિશ્વના ત્રીજા શક્તિશાળી મહિલા છે સોનિયા ગાંધી

Updated: Thursday, October 31, 2013, 14:47 [IST]

ન્યુયોર્ક, 31 ઓક્ટોબરઃ દેશની સત્તાધીશ પાર્ટી કોંગ્રેસના અધ્યક્ષા સોનિયા ગાંધી, પ્રધાનમંત્રી મનમોહન સિંહ કરતા વધારે શક્તિશાળી વ્યક્તિ છે. દેશમાં જ નહીં પરંતુ વિશ્વ ભરની શક્તિશાળી વ્યક્તિઓની યાદીમાં તેઓ સામેલ છે. તેમને વિશ્વના ત્રીજા શક્તિશાળી મહિલાનો પુરસ્કાર મળ્યો છે. ફોર્બ્સ મેગેઝીને વિશ્વની શક્તિશાળી વ્યક્તિઓની યાદી બહાર પાડી છે. જેમાં સોનિયા ગાંધીને 21મો રેંક છે. આ યાદીમં સામેલ પ્રભાવશાલી મહિલા નેતાઓમા સોનિયા ગાંધી ત્રીજા સ્થાન પર છે.

ફોર્બ્સે વિશ્વના 100 શક્તિશાળી લોકોની યાદી જાહેર કરી છે. 72 દેશોના રાષ્ટ્ર પ્રમુખો, બિઝનેસ લીડર્સ અને રાજનેતાઓને આ યાદીમાં સામેલ કરવામાં આવ્યા છે. આ યાદીમાં સોનિયા ગાંધી 21માં ક્રમાંકે છે, પરંતુ મહિલાઓની યાદીમાં તેઓ ત્રીજા સ્થાને છે. આ યાદીમાં જર્મન ચાંસલર એન્જેલા મોર્કલ પ્રથમ અને બ્રાઝીલના રાષ્ટ્રપતિ રોસેફ બીજા સ્થાને છે.

ફોર્બ્સે પોતાની વેબસાઇટમાં સોનિયા ગાંધી અંગે લખ્યું છે કે, ઇન્ડિયન નેશનલ કોંગ્રેસના અધ્યક્ષા હોવાના કારણે સોનિયા ગાંધી વિશ્વમાં સૌથી વધુ વસ્તી ધરાવતા દેશમાં સત્તાધીશ પાર્ટીને ચલાવી રહ્યાં છે. ફોર્બ્સેની અન્ય એક યાદીમાં સોનિયાને 100 સૌથી શક્તિશાળી મહિલાઓની યાદીમાં નવમું સ્થાન મળ્યું છે, સોનિયાની સરખામણીએ વડાપ્રધાન મનમોહન સિંહ 28મા અને મુકેશ અંબાણી 38માં ક્રમાંકે છે. ફોર્બ્સ અનુસાર વિશ્વના સૌથી શક્તિશાળી વ્યક્તિ છે રશિયાના રાષ્ટ્રપતિ બ્લાદિમીર પુતિન. પુતિને અમેરિકન રાષ્ટ્રપતિ બરાક ઓબામાને પાછળ છોડીને પહેલીવાર નંબર વનનું સ્થાન હાંસલ કર્યું છે. તો ચાલો તસવીરો થકી જોઇએ સોનિયા સિવાય અન્ય કઇ-કઇ મહિલાઓ આ યાદીમાં સમાવાયી છે.