સ્પૉટ ફિક્સિંગ: શ્રીસંતના મિત્ર સહિત વધુ ચારની ધરપકડ

By Kumar Dushyant

Published: Thursday, May 30, 2013, 9:41 [IST]

નવી દિલ્હી, 30 મે: ક્રિકેટર શ્રીસંતના એક મિત્ર સહિત વધુ ચાર વ્યક્તિઓની આઇપીએલ સ્પૉટ ફિક્સિંગ પ્રકરણમાં ધરપકડ કરવામાં આવી છે જ્યારે તપાસકર્તાઓએ આ કેસમાં સામેલ અને સટોડિયાઓને પકડવા માટે રેડ પાડી હતી.

આ સાથે જ ગત 16 મેના રોજ આ પ્રકરણમાં પ્રકાશમાં આવ્યા બાદ ધરપકડ કરવામાં આવેલા વ્યક્તિઓની સંખ્યા 26 થઇ ગઇ છે જેમાં શ્રીસંત, અજિત ચંદીલા, અને અંકિત ચૌહાણનો સમાવેશ થાય છે. પોલીસના એક વરિષ્ઠ અધિકારીએ આજે જણાવ્યું હતું કે શ્રીસંતની ધરપકડ બાદ તેના પૈસા અને કેટલીક વસ્તુઓ સંતાડવવામાં મદદ કરનાર તેના મિત્ર અભિષેક શુક્લા હાલમાં ધરપકડ કરવામાં આવેલા ચાર વ્યક્તિઓમાં સામેલ છે.

સૂત્રોએ જણાવ્યું હતું કે તપાસમાં કાલે અભિષેક શુક્લા પર કલમ 201 હેઠળ આરોપ લગાવવામાં આવ્યો છે અને શ્રીસંતનીવસ્તુઓ અને પૈસા મેળવવા માટે તેને મુંબઇ લઇ જવામાં આવ્યો છે જ્યાં તેને સંતાડ્યા હતા. અધિકારીએ જણાવ્યું હતું કે શ્રીસંતને સ્પૉટ ફિક્સિંગ માટે 10 લાખ રૂપિયા મળ્યા હતા તેમાંથી અમને પાંચ લાખનો હિસાબ મળ્યો છે. અભિષેક શુક્લાએ શ્રીસંત અને જીજૂ જનાર્દના બાકીના પૈસા સંતાડી દિધા હતા.

અધિકારીએ જણાવ્યું હતું કે શ્રીસંતની ધરપકડ બાદ તાત્કાલિક જીજૂ જર્નાદને અભિષેક શુક્લાને ફોન કરીને તેને શ્રીસંતના રૂમને સાફ કરવા માટે કહ્યું હતું. અન્ય ત્રણ ધરપકડ રાજસ્થાન રોયલ્સના ખેલાડી અજીત ચંદીલા સંબંધિત છે જે પહેલાંથી પોલીસની કસ્ટડીમાં છે. તેની ધરપકડ બાઉન્સર ભૂપેન્દર નાગર પોલીસની જાળમાં ફસાયા બાદ થઇ હતી.

ત્રણેયની ઓળખ બાઉન્સર વિક્કી ચૌધરી, નિતિન જૈન અને વિનોદ શર્માના રૂપમાં કરવામાં આવી છે. વિક્કી ચૌધરીએ જ અજીત ચંદીલાનો પરિચય નિતિન જૈન અને વિનોદ શર્મા સાથે કરાવ્યો હતો. વિનોદ શર્માની પ્રોપટી ડીલીંગ કંપની છે જ્યારે નિતિન જૈન એક કારખાનાનો માલિક છે.

પોલીસે જણાવ્યું હતું કે વિક્કી રાજધાનીમાં બે નાઇટ ક્લબના મુખ્ય સુરક્ષા અધિકારી નાગરનો મિત્ર છે. તે નાગર જ હતો જે ચંદીલાને વિક્કીની પાસે લઇને ગયો હતો. વિક્કીએ બે સટોડિયાઓ દ્વારા સંપર્કની ઇચ્છા વ્યક્ત કરી હતી.

સટોડિયાઓને નાગર અને વિક્કી સાથે ચંદીલાની જયપુરમાં મુલાકાત કરાવી હતી. આ મુલાકાત મેના બીજા અઠવાડિયામાં રાંચીમાં કેકેઆર અને આરસીબી વચ્ચે રમાવનાર એક મેચ પહેલાં થઇ હતી.

Published On May 30, 2013