Supreme Court : મોબાઈલમાં ચાઈલ્ડ પોર્ન રાખવુ POCSO હેઠળ ગુનો, સુપ્રીમ કોર્ટે મદ્રાસ હાઈકોર્ટનો નિર્ણય બદલ્યો

Supreme Court : ભારત સહિત દુનિયાભરમાં વધી રહેલી ચાઈલ્ડ પોર્નોગ્રાફી પર સુપ્રીમ કોર્ટે આકરૂ વલણ અપનાવ્યુ છે. હવે ચાઈલ્ડ પોર્ન મોબાઈલમાં રાખવુ પણ ગુનો બની જશે.

સુપ્રીમ કોર્ટ મદ્રાસ હાઈકોર્ટના એક આદેશને પલટતા મોટો આદેશ આપ્યો છે. સુપ્રીમ કોર્ટ અનુસાર, ચાઈલ્ડ પોર્નોગ્રાફી સંગ્રહિત કરવી ભલે તેને શેર કરવાની યોજના ન હોય તો પણ તે કાનૂની જવાબદારીમાંથી બાકાત નથી.

સુપ્રીમ કોર્ટના મુખ્ય ન્યાયધીસ ડીવાય ચંદ્રચૂડ અને જસ્ટિસ જેબી પારડીવાલાની બેન્ચે ફોજદારી આરોપો પર સૂનાવણી કરતા કહ્યુે કે આવી સામગ્રીને દૂર કરવી અથવા તેની જાણ ન કરવી એ વિતરિત કરવાના ઇરાદાને દર્શાવે છે. આ અર્થઘટન પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (POCSO) એક્ટની કલમ 15 પર આધારીત છે.

આદેશ લખતા ન્યાયાધીશ પારડીવાલાએ નિર્દેશ કર્યો કે સામગ્રીને સંગ્રહિત કરવા અને તેને કાઢી નાખવા અથવા જાણ કરવામાં નિષ્ફળતા પરથી ઉદ્દેશ્યનો અંદાજ લગાવી શકાય છે.

કોર્ટે કહ્યું કે, કલમ 15 ની વિવિધ પેટા કલમો હેઠળ ગુનો સાબિત કરવા માટે પ્રસારણ અથવા નાણાકીય લાભના ઉદ્દેશ્યના વધારાના પુરાવાની જરૂર પડી શકે છે.
આનાથી આગળ કોર્ટે POCSO એક્ટ હેઠળ વધુ સચોટ રજૂઆત માટે ચાઈલ્ડ પોર્નોગ્રાફીને ચાઈલ્ડ જાતીય શોષણ અને દુરુપયોગ સામગ્રી સાથે બદલવા કાયદાકીય સુધારાની વાત કરી છે.

સુપ્રીમ કોર્ટનો આ નિર્ણય જસ્ટ રાઈટ્સ ફોર ચિલ્ડ્રન એલાયન્સની અરજી પર સૂનાવણી બાદ આવ્યો છે. આ એક એનજીઓનું એક જૂથ છે, જે બાળ કલ્યાણ પર મદ્રાસ હાઈકોર્ટના ચુકાદાની અસર વિશે ચિંતિત છે.

આ કેસમાં એક વ્યક્તિ પર ઈન્ફોર્મેશન ટેક્નોલોજી એક્ટ 2000 અને POCSO એક્ટ હેઠળ ચાઈલ્ડ પોર્નોગ્રાફિક સામગ્રી ડાઉનલોડ કરવાનો આરોપ મૂકવામાં આવ્યો છે.

English summary

Possession of child porn in mobile is an offense under POCSO-Supreme Court