• search
For Quick Alerts
ALLOW NOTIFICATIONS  
For Daily Alerts
Oneindia App Download

કલમ 35એ ની માન્યતા પર સુપ્રિમ કોર્ટમાં આજે સુનાવણી, ઘાટીમાં બંધ

|
Google Oneindia Gujarati News

જમ્મુ-કાશ્મીરને વિશેષાધિકાર આપનારી કમલ 35એ ની માન્યતાને પડકારતી અરજી પર આજે સુપ્રિમ કોર્ટમાં સુનાવણી થવાની છે. સીજેઆઈ દીપક મિશ્રાની અધ્યક્ષતાવાળી 3 જજોની ખંડપીઠ આ મામલે સુનાવણી કરશે. સુપ્રિમ કોર્ટમાં શુક્રવારે થનારી આ સુનાવણી ટાળવા માટે એક અરજી પણ સુપ્રિમ કોર્ટમાં દાખલ કરવામાં આવી છે. શુક્રવારે થનારી આ સુનાવણી માટે ઘાટીમાં બે દિવસના બંધનું આહવાન કરવામાં આવ્યુ છે. વળી, હિંસાની આશંકાને જોતા કાશ્મીરના 9 પોલિસ સ્ટેશન વિસ્તારમાં કરફ્યુ ચાલુ રાખવાનો નિર્ણય લેવામાં આવ્યો છે.

સુપ્રિમ કોર્ટમાં થનારી આ મહત્વની સુનાવણી પહેલા બધા હુર્રિયત નેતાઓને તેમના ઘરોમાં નજરકેદ કરવામાં આવ્યા છે. ઘાટીમાં સન્નાટો છવાયેલો છે. કલમ 35એ અંગે જમ્મુ-કાશ્મીરમાં ભાજપ ઉપરાંત બાકીના રાજકીય દળો વિરોધમાં દેખાઈ રહ્યા છે. વળી, અલગાવવાદીઓ પણ આ સુનાવણીના વિરોધમાં છે. આ પહેલા પણ રાજ્યમાં અશાંતિના વાતાવરણને જોતા ઘણી વાર સુનાવણી ટાળવામાં આવી ચૂકી છે. આજે પણ સુનાવણી અંગે કાશ્મીરમાં સ્થિતિ ઘણા તણાવપૂર્ણ છે.

આજે થનારી સુનાવણી પહેલા પણ જમ્મુ-કાશ્મીર સરકારે સુનાવણી ટાળવાની માંગ કરી છે. સુપ્રિમ કોર્ટે આજે આ બાબતે નક્કી કરવાનું છે કે આજે સુનાવણી થશે કે નહિ. કલમ 35એના કારણે જમ્મુ-કાશ્મીરને વિશેષાધિકાર મળ્યો છે કે તે રાજ્યના સ્થાયી નિવાસીઓની પરિભાષા નક્કી કરી શકે છે. આ અંતર્ગત ત્યાંની સરકારને એ અધિકાર છે કે તે બીજી જગ્યાઓએથી આવેલા શરણાર્થીઓ અને અન્ય ભારતીય નાગરિકોને જમ્મુ-કાશ્મીરમાં કયા પ્રકારની સુવિધાઓ આપે કે ન આપે.

આ પણ વાંચોઃ ફરી પડી મોંઘવારીની માર, પેટ્રોલ-ડિઝલના વધ્યા ભાવ, જાણો કિંમતઆ પણ વાંચોઃ ફરી પડી મોંઘવારીની માર, પેટ્રોલ-ડિઝલના વધ્યા ભાવ, જાણો કિંમત

કલમ 35એ ના કારણે ઘાટીમાં તણાવ

કલમ 35એ ની બંધારણીય માન્યતાને પડકારતી મુખ્ય અરજી 'વી ધ સિટિઝન' નામની એનજીઓએ વર્ષ 2014 માં દાખલ કરી હતી. આ અરજીમાં કહેવામાં આવ્યુ હતુ કે આ અનુચ્છેદના કારણે રાજ્યની બહારના નાગરિકોને સંપત્તિ ખરીદવાનો અધિકાર આપવામાં આવ્યો નથી. જ્યારે અલગાવવાદીઓએ કહ્યુ હતુ કે જો ન્યાયાલય આ મામલે રાજ્યની જનતાના હિતોના વિરોધમાં ચૂકાદો આપશે તો આંદોલન માટે લોકો રસ્તા પર ઉતરી આવશે.

English summary
Supreme court set to decide on Article 35A, shutdown in kashmir
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X