સુપ્રિમ કોર્ટની યુટ્યુબ ચેનલ હેક થઈ, ઉભા થયા ક્રિપ્ટોકરન્સી પર સવાલ
Supreme Court YouTube Channel Hacked: આજકાલ હેકર્સનો ઉપદ્રવ વધી ગયો છે. સામાન્ય લોકોની છેતરપિંડીના સમાચારો તમે વાંચ્યા જ હશે, પણ જ્યારે કોઈ મોટી સરકારી સંસ્થા હેકર્સનો ભોગ બને ત્યારે એ ચર્ચાનો વિષય બની જાય છે.
હાલ સુપ્રિમ કોર્ટ ઓફ ઈન્ડિયાની ઓફિસિયલ યુટ્યુબ ચેનલ હેક થઈ હોવાના સમાચાર સામે આવ્યા છે. શુક્રવારના રોજ સપ્ટેમ્બર 20ના રોજ સંભવિત સુરક્ષા ભંગમાં સુપ્રિમ કોર્ટ ઓફ ઈન્ડિયાની ઓફિસિયલ યુટ્યુબ ચેનલ હેક કરવામાં આવી હતી, જેમાં કોર્ટની કાર્યવાહીને બદલે ક્રિપ્ટોકરન્સી સંબંધિત અનધિકૃત સામગ્રી પ્રદર્શિત કરવામાં આવી હતી.
ન્યાયતંત્ર માટે મહત્વપૂર્ણ એવા સોશિયલ મીડિયા પ્લેટફોર્મનો ઉપયોગ સામાન્ય રીતે બંધારણીય બેચો અને જાહેર હિતની અન્ય બાબતો સમક્ષ મહત્વપૂર્ણ કેસના લાઇવ સ્ટ્રીમિંગ માટે થાય છે.
ઉલ્લેખનીય છે કે, હેકર્સે યુએસ સ્થિત રિપલ લેબ્સ દ્વારા વિકસાવવામાં આવેલી ક્રિપ્ટોકરન્સી XRP નો પ્રચાર કરતા વીડિયો પોસ્ટ કર્યા છે.
ચેનલે તાજેતરમાં કોલકાતાની RG કાર હોસ્પિટલ ખાતે તાલીમાર્થી ડૉક્ટર પર બળાત્કાર અને હત્યા સાથે સંબંધિત એક સંવેદનશીલ સુઓ મોટુ કેસનું પ્રસારણ કર્યું હતું.
સુનાવણીના રેકોર્ડિંગ માટે શોધ કરનારા દર્શકોને જાણવા મળ્યું કે, આ અગાઉના તમામ વીડિયો પ્રાઈવેટ કરી દેવામાં આવ્યા હતા, અને તેના સ્થાને Brad Garlinghouse: Ripple SEC ના 2 બિલિયન ડોલર દંડનો જવાબ આપે છે! XRP પ્રાઇસ પ્રિડિક્શન નામનો લાઇવ વીડિયો પ્લે કરવામાં આવ્યો છે.
Supreme Court of India's YouTube channel appears to be hacked and is currently showing videos of US-based company Ripple. pic.twitter.com/zuIMQ5GTFZ
— ANI (@ANI) September 20, 2024
Click it and Unblock the Notifications
Sign in with Google
