Survey : કોંગ્રેસે રામ મંદિર ઉદ્ધાટનમાં જવુ જોઈએ કે નહીં? જાણો શું કહ્યું લોકોએ?
રામ મંદિરને લઈને બીજેપીની રાજનીતિનો કોંગ્રેસે જવાબ આપ્યો છે અને આમંત્રણ ઠુકરાવી દીધુ છે. કોંગ્રેસનો આ નિર્ણય કેટલો સાચો છે તેને લઈને એક સર્વે સામે આવ્યો છે. આ સર્વે એબીસી ન્યુઝ અને સી વોટરે કર્યો છે.
આ સર્વેમાં સવાલ પૂછવામાં આવ્યો હતો કે કોંગ્રેસ પાર્ટીએ રામના અભિષેક માટે અયોધ્યા જવું જોઈએ કે નહીં? આના પર 64 ટકા લોકોએ હામાં જવાબ આપ્યો. જ્યારે 24 ટકા લોકોએ કહ્યું કે કોંગ્રેસના નેતાઓએ અયોધ્યા ન જવું જોઈએ. આ સિવાય 12 ટકા લોકોએ કહ્યું કે આ વિશે અત્યારે કંઈ કહી શકાય નહીં.
કોંગ્રેસે કહ્યું કે મલ્લિકાર્જુન ખડગે, સોનિયા ગાંધી અને લોકસભામાં પાર્ટીના નેતા અધીર રંજન ચૌધરી અભિષેક સમારોહમાં હાજરી નહીં આપે. બીજેપી ચૂંટણી માટે અડધા બંધાયેલા મંદિરનું ઉદ્ઘાટન કરી રહી છે.
પાર્ટીના મહાસચિવ જયરામ રમેશે એક નિવેદન જારી કરીને કહ્યું કે, કરોડો ભારતીયો ભગવાન રામની પૂજા કરે છે. ધર્મ એ માણસની અંગત બાબત છે પરંતુ ભાજપ અને આરએસએસએ વર્ષોથી અયોધ્યામાં રામ મંદિરને રાજકીય પ્રોજેક્ટ બનાવી દીધો છે.
બીજી તરફ કેન્દ્રીય માહિતી અને પ્રસારણ મંત્રી અનુરાગ ઠાકુરે કોંગ્રેસના આ નિર્ણય પર વળતો પ્રહાર કર્યો અને બુધવારે કહ્યું કે, તેમના સ્ટેન્ડમાં કંઈ નવું નથી, તેઓએ હંમેશા ભગવાન રામનો વિરોધ કર્યો છે અને સનાતન ધર્મને બદનામ કરવાનો પ્રયાસ કર્યો છે. તેમણે અનેક પ્રસંગોએ ભગવાન રામના અસ્તિત્વનો પણ ઇનકાર કર્યો છે.
મલ્લિકાર્જુન ખડગે, સોનિયા ગાંધી, અધીર રંજન ચૌધરી, પશ્ચિમ બંગાળના મુખ્યમંત્રી મમતા બેનર્જી અને સીતારામ યેચુરી રામના અભિષેક કાર્યક્રમમાં હાજરી નહીં આપે. સમાચાર એજન્સી પીટીઆઈએ તાજેતરમાં તૃણમૂલ કોંગ્રેસ ચીફ મમતા બેનર્જીની ગેરહાજરી અંગે સૂત્રોને ટાંકીને દાવો કર્યો છે.
Click it and Unblock the Notifications
Sign in with Google
