ટી-20 વર્લ્ડ કપ : સુપર-12 મૅચ શરૂ, કેવી રીતે મળશે પૉઇન્ટ?

આઈસીસી 20-20 ક્રિકેટ વર્લ્ડ કપમાં 'સુપર 12' વચ્ચેના મુકાબલા 23 ઑક્ટોબર એટલે કે આજથી શરૂ થઈ ગયા છે. ક્વૉલિફાયર મૅચમાં ગ્રૂપ-એ-માં ટોચ પર રહેલું શ્રીલંકા ગ્રૂપ-1માં રહેશે.

By Bbc Gujarati

Updated: Saturday, October 23, 2021, 23:12 [IST]

આઈસીસી 20-20 ક્રિકેટ વર્લ્ડ કપમાં 'સુપર 12' વચ્ચેના મુકાબલા 23 ઑક્ટોબર એટલે કે આજથી શરૂ થઈ ગયા છે. ક્વૉલિફાયર મૅચમાં ગ્રૂપ-એ-માં ટોચ પર રહેલું શ્રીલંકા ગ્રૂપ-1માં રહેશે.

આ ઉપરાંત ઇંગ્લૅન્ડ, ઑસ્ટ્રેલિયા, દક્ષિણ આફ્રિકા, વેસ્ટ ઇન્ડિઝ અને બાંગ્લાદેશ આ ગ્રૂપમાં હશે.

ક્વૉલિફાયર મૅચમાં શ્રીલંકા ટોચ પર રહ્યું, શ્રીલંકા હવે ગ્રૂપ-1માં છે.

જ્યારે ભારત, પાકિસ્તાન, ન્યૂઝીલૅન્ડ, અફઘાનિસ્તાન અને સ્કૉટલૅન્ડ ગ્રૂપ-2માં હશે. નામીબિયાએ પણ ગ્રૂપ-2માં જગ્યા બનાવી છે.

હવે ટી-20 વર્લ્ડ કપમાં ટોચની ટીમોની મૅચ શરૂ થશે અને દરેક ગ્રૂપની ટોચની બે ટીમો જ સેમિફાઇનલમાં જગ્યા બનાવી શકશે.

શારજાહમાં ઑસ્ટ્રેલિયા અને દક્ષિણ આફ્રિકા વચ્ચેની મૅચ સાથે જ આ સુપર-12 મુકાબલા શરૂ થઈ રહ્યા છે.

કોણ-કોણ છે ગ્રૂપમાં?

નામીબિયાએ ગ્રૂપ-2માં જગ્યા બનાવી છે. ભારત પણ આ ગ્રૂપમાં છે.

ગ્રૂપ-1

ઇંગ્લૅન્ડ, ઑસ્ટ્રેલિયા, દક્ષિણ આફ્રિકા, વેસ્ટ ઇન્ડિઝ, શ્રીલંકા, બાંગ્લાદેશ

ગ્રૂપ-2

ભારત, પાકિસ્તાન, ન્યૂઝીલૅન્ડ, અફઘાનિસ્તાન, નામીબિયા અને સ્કૉટલૅન્ડ

સૌથી મહત્ત્વપૂર્ણ મૅચ ક્યારે?

બાંગ્લાદેશ, શ્રીલંકા, નામીબિયા અને સ્કૉટલૅન્ડ રાઉન્ડ-1માંથી ક્વૉલિફાઈ થઈને સુપર-12માં પહોંચ્યું છે

23 ઑક્ટોબર

23 ઑક્ટોબરે ગ્રૂપ-1ની બે મહત્ત્વની મૅચ હતી, સવારે અબુ ધાબીમાં ઑસ્ટ્રેલિયા અને દક્ષિણ આફ્રિકા સામસામે રમ્યા હતા અને સાંજે દુબઈમાં ઇંગ્લૅન્ડની સામે વેસ્ટ ઇન્ડિઝની મૅચ રમાઈ હતી.

24 ઑક્ટોબર

ગ્રૂપ-2ની મૅચ રવિવારે શરૂ થઈ રહી છે. આતુરતાથી રાહ જોવાઈ રહેલી ભારત-પાકિસ્તાન વચ્ચેની મૅચ દુબઈના સ્થાનિક સમય અનુસાર સાંજે 6 વાગ્યે શરૂ થશે.

અફઘાનિસ્તાન 25 ઑક્ટોબરે શારજાહમાં સ્કૉટલૅન્ડની સામે રમશે, જ્યારે પાકિસ્તાનનો 26 ઑક્ટોબરે શારજાહમાં ન્યૂઝીલૅન્ડ સામે મુકાબલો થશે.

ગ્રૂપ-1ની મૅચો 6 નવેમ્બરે સમાપ્ત થશે. એ દિવસે અબુ ધાબીમાં ઑસ્ટ્રેલિયા અને વેસ્ટ ઇન્ડિઝનો મુકાબલો થશે જ્યારે શારજાહમાં ઇંગ્લૅન્ડ અને દક્ષિણ આફ્રિકા ટકરાશે.

ગ્રૂપ-2ની મૅચો 8 નવેમ્બરે સમાપ્ત થશે. એ દિવસે ભારતનો સામનો નામીબિયા સાથે થશે.